سوڭعى اپتادا ينفەكسيا جۇقتىرعاندار سانى 16%-عا قىسقارعان.
دۇنيەجۇزىلىك دەنساۋلىق ساقتاۋ ۇيىمىنىڭ اپتا سايىنعى ەپيدەميولوگيالىق بيۋللەتەنىنە سايكەس، الەمدە COVID-19 اۋرۋىن جۇقتىرۋ كورسەتكىشى ەكىنشى اپتا قاتارىنان تومەندەپ كەلەدى، دەپ حابارلايدى Almaty-akshamy.kz
سوڭعى اپتادا ينفەكسيا جۇقتىرعاندار سانى 16%-عا، ال قايتىس بولعاندار 43%-عا قىسقارعان. 28 ناۋرىز بەن 3 ءساۋىر ارالىعىندا كوروناۆيرۋسپەن اۋرۋ الەمنىڭ بارلىق ايماقتارىندا تومەندەدى. ءبىر اپتا ىشىندە الەمدە 9 ميلليوننان استام COVID-19 وقيعاسى انىقتالدى.
سونداي-اق بارلىق ايماقتا كوروناۆيرۋستان قايتىس بولعاندار سانى تومەندەدى. ءبىر اپتادا الەمدە COVID-19 ينفەكسياسىنان 26 مىڭنان استام ادام قايتىس بولعانى تىركەلدى.
دۇنيەجۇزىلىك دەنساۋلىق ساقتاۋ ۇيىمى كەيبىر ەلدەردىڭ COVID-19 ءۇشىن تەستىلەۋ تاكتيكاسىن بىرتىندەپ وزگەرتەتىنىن ەسكەرە وتىرىپ، بۇل جۇرگىزىلگەن سىناقتاردىڭ جالپى سانىنىڭ ازايۋىنا، دەمەك، انىقتالاتىن جاعدايلاردىڭ دا ازاياتىنىن ەسكەرتەدى.
پاندەميا باستالعاننان بەرى الەمدە كوروناۆيرۋستىق ينفەكسيانى جۇقتىرۋدىڭ 489 ميلليونعا جۋىق جاعدايى انىقتالىپ، سونىڭ سالدارىنان 6 ميلليوننان استام قايتىس بولعان.