بۇل ءىس-شارانى ەۋروپانىڭ عارىش اگەنتتىگى قولعا الدى.
وسى ميسسيانى جۇزەگە اسىرۋ ءۇشىن 19 جاسىندا موتوسيكلدەن قۇلاپ، وڭ اياعىنان ايىرىلعان دجون ماكفول تاڭدالىپ الىندى. 41 جاستاعى بريتانيالىق بۇعان دەيىن پاراليمپيادا ويىندارىنا قاتىسقان، دەپ حابارلايدى Almaty-akshamy.kz 24.kz-كە سىلتەمە جاساپ.
ونى عارىشقا دايىنداۋ جۇمىسى 2 جىلدان 3 جىلعا دەيىن سوزىلۋى مۇمكىن. پارااستروناۆت كەڭىستىكتە ءبىر كۇن بولۋى ءتيىس. ول بەس عارىشكەرمەن بىرگە ۇشادى. ولاردىڭ اراسىندا ەكى ايەل بار. وسى توپقا ىلىگۋ ءۇشىن 22 مىڭ ۇمىتكەر سىناقتان وتكەن. ايتا كەتەيىك، ەۋروپالىق عارىش اگەنتتىگى الداعى 3 جىلدا بيۋدجەتىن 17% ارتتىرىپ، شامامەن 17 ملرد ەۋرو ءبولۋدى جوسپارلاپ وتىر.
«مەن بۇل مۇمكىندىككە وڭاي قول جەتكىزىپ وتىرعان جوقپىن. پاراليمپيادا اتلەتى دە بولدىم، حيرۋرگ-دارىگەر ماماندىعىن دا يگەردىم. وسىنىڭ ءبارى ماعان سەنىم مەن كۇش-جىگەر بەردى. بۇل بۇكىل ادامزات ءۇشىن تاريحي وقيعا بولماق. ادامنىڭ قولىنان كەلمەيتىنى جوق»، - دەدى پارااستروناۆت دجون ماكفول.