ەۋروپا ەلدەرىندە كوروناۆيرۋسقا شالدىققاندار سانى ارتىپ كەلەدى.
الەم بويىنشا، 216 ميلليون ادام COVID-19 دەرتىنە شالدىعىپ، 4،5 ميلليوننان استام ادام كوز جۇمدى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
ءولىم سانى بويىنشا ءبىرىنشى ورىندا اقش، ەكىنشى ورىندا ءۇندىستان، ءۇشىنشى ورىندا رەسەي تۇر. ەۋروپادا اۋرۋ تولقىنى وسۋدە. سوڭعى تاۋلىكتە ۇلىبريتانيادا كوروناۆيرۋستى جۇقتىرۋدىڭ 33 مىڭنان استام جاعدايى انىقتالدى. ەپيدەميادان زارداپ شەككەندەردىڭ جالپى سانى 132 437-گە جەتتى.
ەۋروپانىڭ 33 ەلى سوڭعى ەكى اپتادا كوروناۆيرۋس اۋرۋشاڭدىعى بويىنشا كورسەتكىشتىڭ 10%-دان استامعا وسكەنىن اتاپ ءوتتى. ماماندار اۋرۋدىڭ كوبەيۋىن ايماقتىڭ 50 ەلىندە انىقتالعان «دەلتا» شتامىنىڭ تەز تارالۋىمەن، دەنساۋلىق ساقتاۋ شارالارىنىڭ السىرەۋىمەن، سونداي-اق ساياحاتتىڭ ماۋسىمدىق وسۋىمەن تۇسىندىرەدى.
وڭتۇستىك افريكادا مۋتاسيا دەڭگەيى جوعارى كوروناۆيرۋستىڭ جاڭا شتامى تابىلدى. ۆيرۋستىڭ س. 1. 2 جاڭا ءتۇرى جوعارى اگرەسسيۆتىلىككە يە جانە ءبىر مەزگىلدە ۆاكسينالارعا اسا ءتوزىمدى بوپ كەلەدى. زەرتتەۋلەر كورسەتكەندەي، شتامم كونگو، جۇڭگو، جاڭا زەلانديا، ۇلىبريتانيا، پورتۋگاليا، شۆەيساريا جانە ماۆريكيي اۋماقتارىنا ەنگەن.
فيليپپيندە كوروناۆيرۋستىڭ جاڭا جاعدايلارىنىڭ سانى بويىنشا تاۋلىكتىك انتيرەكورد تىركەلدى-22 366 جاعداي.