ق.ساتبايەۆتىڭ 125 جىلدىعىن تويلاۋ باستالدى
قازاق حالقىنىڭ ءبىرتۋار پەرزەنتى، الەمگە ايگىلى عالىم قانىش ساتبايەۆتىڭ 125 جىلدىعىنا ارنالعان مەرەيتويلىق ءىس-شارالاردىڭ العاشقى لەگى باستالدى.
عالىمنىڭ اتى بەرىلگەن ەلورداداعى ءنومىرى 61ء-شى مەكتەپ-ليسەيدە "الەم تانىعان قانىش" رەسپۋبليكالىق عىلىمي كونفەرەنسيا ءوتتى. جيىنعا قانىشتانۋ ماسەلەلەرىمەن اينالىسىپ جۇرگەن زەرتتەۋشىلەر، زيالى قاۋىم وكىلدەرى قاتىستى، دەپ حابارلايدى اlmaty-akshamy.kz. اكادەميكتىڭ 125 جىلدىعى ەل بويىنشا كەڭ كولەمدە اتاپ وتىلەدى. ول ءۇشىن 52 بولىمنەن تۇراتىن جالپى رەسپۋبليكالىق جوسپار قابىلدانعان. ونىڭ اياسىندا ءۇش قالادا عالىمعا ارنالعان ەسكەرتكىشتەر اشىلادى. پاۆلودارداعى جۇسىپبەك ايماۋىتوۆ اتىنداعى تەاتر بولسا، كورەرمەنگە "جۇسىپبەك جانە قانىش" اتتى پەسا ۇسىنباق. ال اكادەميكتىڭ تۋعان كۇنى 12 ساۋىردە ەۋرازيا ۇلتتىق ۋنيۆەرسيتەتىندە حالىقارالىق عىلىمي باسقوسۋ وتەدى.
- ون تومدىق شىعارمالار جيناعى دايىندالىپ بولدى، ول دا بيىل شىقپاقشى. بۇدان باسقا بەس تومدىق اكادەميالىق شىعارماشالار تولىق جيناعى شىقپاقشى. سونىمەن قاتار قايتادان قانىش يمانتايۇلىنا ارنالعان ەنسيكلوپەديا ەكى تىلدە شىعادى دەگەن ويدامىز. ودان باسقا قانىشتىڭ بيوگرافياسىنا بايلانىستى التى تىلدە بۇۇ التى نەگىزگى تىلىنە اۋدارىلىپ جاتقان جايى بار، - دەيدى ق ر پارلامەنتى سەناتىنىڭ دەپۋتاتى التىنبەك نۇح ۇلى.