اتالمىش بايقاۋ 2019 جىلدان بەرى وتكىزىلىپ كەلەدى.
بيىل «الەم ءمۇعالىمى» بايقاۋىنا الماتىلىق ۇستاز قاتىسادى. بۇل بايقاۋدىڭ جۇلدە قورى 1 ميلليون دوللاردى قۇرايدى، دەپ حابارلايدى Almaty-akshamy.kz Almaty-tv-گە سىلتەمە جاساپ.
«الەم ءمۇعالىمى» بايقاۋىنا الماتى قالاسىنىڭ № 42 ورتا مەكتەبىنىڭ مۋزىكا، ءوزىن-وزى تانۋ جانە حورەوگرافيا ءپانىنىڭ ءمۇعالىمى اللا بۋرەنكوۆا قاتىسادى. قازاقستاننىڭ بارلىق ايماقتارىنان 64 ۇمىتكەردىڭ اراسىنان ون فيناليست تاڭدالدى. ۇمىتكەرلەردى تاڭداۋ جاھاندىق مۇعالىمدەر سىيلىعىنىڭ كريتەرييلەرى بويىنشا جۇزەگە اسىرىلادى. تەستىلەۋ پروسەسىنىڭ اشىقتىعىن جانە ۇمىتكەرلەردى تەرەڭ تەكسەرۋدى باقىلاۋدى Price Waterhouse Coopers حالىقارالىق اۋديتورلىق كومپانياسى جۇزەگە اسىرادى.
فيناليستەردىڭ بارلىعى دا قازاقستاننان 2022 جىلعى جاھاندىق مۇعالىمدەر سىيلىعىنا ۇسىنىلعان.