ارمەنيادا گرەك-ريم جانە ەركىن كۇرەستەن وتكەن 37ء-شى الەم چەمپيوناتىندا اسكەريلەردىڭ قورجىنى جەتى مەدالمەن تولىقتى.
حالىقارالىق اسكەري سپورت كەڭەسى (CISM) ۇيىمداستىرعان بىرىنشىلىك كارەن دەميرچيان اتىنداعى سپورتتىق-كونسەرتتىك كەشەندە ءوتتى. وعان الەمنىڭ 24 ەلىنەن 400 سپورتشى قاتىستى، دەپ حابارلايدى aqshamnews.kz.
قورعانىس ءمينيسترلىنىڭ مالىمەتىنشە، قازاقستان قۇراماسى اتىنان ەركىن جانە گرەك-ريم كۇرەسى بويىنشا 17 بالۋان مىقتىلىعىن سىنعا سالدى.
بۇعان دەيىندە قازاقستاندىق قۇرامانىڭ ەريەۆانداعى سايىستارىن مالىمدەگەن بولاتىنبىز. ەركىن كۇرەستەن ەڭ جوعارى چەمپيوندىق ماراپاتتى ەفرەيتور مەيىرجان ءاشىروۆ (70 كەلى) جەڭىپ الدى. قولا مەدالداردى گرەك-ريم كۇرەسىنەن كىشى سەرجانت ايدوس سۇلتانعالي – 60 كەلى سالماقتا جانە ق ر قارۋلى كۇشتەرىنىڭ قىزمەتكەرى سۆەتلانا انكيچيەۆا – ايەلدەر كۇرەسىنەن (50 كەلى) ەنشىلەدى.
كەلەسى كۇندەرى ەل قورجىنى تاعى ەكى التىنمەن جانە قولا مەدالدارمەن تولىقتى.
ق ر قارۋلى كۇشتەرىنىڭ قىزمەتكەرى كاميل كۋرۋگلييەۆ 97 كەلى سالماق دارەجەسىندە ءۇندىستان مەن موڭعوليادان كەلگەن سپورتشىلاردى جەڭدى. شەشۋشى بەلدەسۋدە ول يراننان كەلگەن قارسىلاسىنان باسىم ءتۇستى.
گرەك-ريم كۇرەسىنەن ەفرەيتور ءالىمحان سىزدىقوۆ يراندىق بالۋانمەن سوڭعى بەلدەسۋدە ءوزىنىڭ ارتىقشىلىعىن دالەلدەپ، الەم چەمپيونى اتاندى.
قازاقستان قورعانىس مينيسترلىگى ارميا ورتالىق سپورت كلۋبى قۇراماسىنىڭ 86 كەلى سالماعىندا ەركىن كۇرەستەن سىنعا تۇسكەن رۇستەم مىرزاعالييەۆ پەن ايەلدەر كۇرەسىنەن (55 كەلى) مارينا سەدنيايا قازاقستان قۇراماسىنىڭ قورجىنىن قولا جۇلدەلەرمەن تولىقتىرا ءتۇستى.