زە لانسەت (The Lancet) جۋرنالى جۇرگىزگەن زەرتتەۋ قورىتىندىسى وسىنداي.
زەرتتەۋ اۆتورلارىنىڭ ايتۋىنشا، كادر تاپشىلىعى ماسەلەسى اسىرەسە وڭتۇستىك ازيا ەلدەرىندە وتكىر تۇر. اتالعان ايماقتا 2،5 ملن دارىگەر جەتىسپەيدى ەكەن. مۇنىڭ ءبارى كليماتتىق داعدارىس پەن الەمدى جايلاعان ءتۇرلى اۋرۋلارمەن بايلانىستى ەكەن، دەپ حابارلايدى Almaty-akshamy.kz 24.kz-كە سىلتەمە جاساپ.
«كليماتتىڭ وزگەرۋى الەم بويىنشا تىرىسقاق جانە دەنگە اۋرۋلارىنىڭ ورشۋىنە اكەلۋدە. جاڭا پاتوگەندەردىڭ پايدا بولۋ ءقاۋپى ارتىپ جاتىر. سونىمەن قاتار ودان ازىق-تۇلىك داعدارىسى دا بەلەڭ الىپ بارادى. سايكەسىنشە، تويىپ تاماق ىشپەيتىن ازاماتتىڭ اۋرۋعا شالدىعۋ نەمەسە كوز جۇمۋ ىقتيمالدىلىعى جوعارىلايدى. سوندىقتان كليماتتىق داعدارىستى دەنساۋلىق ساقتاۋ سالاسىنداعى داعدارىسپەن بايلانىستىرۋعا بولادى»، - دەيدى دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادحانوم گەبرەيەسۋس.
ءوز كەزەگىندە ساراپشىلار ءدال ءقازىر الەمدە 6 ملن دارىگەر مەن 30 ملن مەدبيكە كەرەگىن ايتادى. «بۇدان بولەك، 3 ملن ءتىس دارىگەرى، تاعى وسىنشاما فارمەسيەۆت قاجەت»، – دەيدى ولار. وسىعان بايلانىستى ماماندار ەل ۇكىمەتتەرىن اتالعان ماسەلەگە باسا نازار اۋدارىپ، ونى شەشۋ جولدارىن قاراستىرۋعا شاقىرادى.