بۇگىن ق ر پرەزيدەنتى ءىس باسقارۋشىسىنىڭ بۇيرىعىمەن الەكسەي سوي ق ر پرەزيدەنتى ءىس باسقارماسىنىڭ مەديسينا ورتالىعىنىڭ باسشىسى بولىپ تاعايىندالدى، دەپ حابارلايدى Almaty-akshamy.kz Inform.kz-كە سىلتەمە جاساپ.
الەكسەي سوي وڭتۇستىك قازاقستان مەملەكەتتىك اكادەمياسىن بىتىرگەن. مەديسينا عىلىمدارىنىڭ دوكتورى، مەديسيناداعى ىسكەرلىك اكىمشىلەندىرۋ دوكتورى.
ول بۇعان دەيىن دارىگەر-ەندوسكوپيست، «ەۋروازيالىق رەسپيراتورلىق قوعام» قوعامدىق بىرلەستىگىنىڭ باس حاتشىسى، ق ر پرەزيدەنتى ءىس باسقارماسى مەديسينا ورتالىعىنىڭ باستىعى، استانا قالاسى № 1 قالالىق اۋرۋحاناسىنىڭ باس دارىگەرى، ق ر دەنساۋلىق ساقتاۋ جانە الەۋمەتتىك دامۋ ۆيسە-مينيسترى، ق ر دەنساۋلىق ساقتاۋ ءمينيسترى قىزمەتىن اتقاردى.
سونداي-اق بۇگىن رۋستام البايەۆ ق ر پرەزيدەنتى ءىس باسقارماسىنىڭ مەديسينا ورتالىعى اۋرۋحاناسىنىڭ ديرەكتورى بولىپ تاعايىندالدى.
رۋستام البايەۆ - اقمولا مەملەكەتتىك مەديسينا اكادەمياسىنىڭ تۇلەگى. مەديسينا عىلىمدارىنىڭ كانديداتى، مەديسيناداعى ىسكەرلىك اكىمشىلەندىرۋ ماگيسترى، «بولاشاق» باعدارلاماسىنىڭ ستيپەندياتى.
ول بۇرىن قالالىق اۋرۋحانالاردا دارىگەر-حيرۋرگ، دارىگەر-كارديوحيرۋرگ بولىپ ىستەدى، توتەنشە جاعداي كەزىندە شىمكەنت قالاسى دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى بولدى.
ق ر ءپىب مەديسينا ورتالىعىنىڭ ەمدەۋ-الدىن الۋ كومەگىن ۇيىمداستىرۋ باسقارماسىنىڭ باسشىسى، ق ر ءپىب ءىس باسقارماسىنىڭ مەديسينا ماسەلەلەرى جونىندەگى باس ينسپەكتورى، ق ر ءپىب مەديسينا ورتالىعىنىڭ ورتالىق كلينيكالىق اۋرۋحاناسىنىڭ ديرەكتورى قىزمەتىن اتقاردى.
سۋرەت: Informburo.kz