الەم كۋبوگى كەزەڭدەرىنىڭ ناتيجەسى بويىنشا ۇزدىك سپورتشىلار 2026 جىلى وتەتىن قىسقى پاراليمپيادا ويىندارىنا جولداما الادى
الەكساندر گەرليس پارابياتلوننان الەم كۋبوگىندا قولا جۇلدەگە يە بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇگىن الەم كۋبوگىنىڭ ءبىرىنشى كەزەڭىندە قازاقستاندىق سپورتشى الەكساندر گەرليس پارابياتلوننان 12،5 شاقىرىم قاشىقتىقتى 43 مينۋت 59 سەكۋندتا باعىندىرىپ، قولا جۇلدەگە يە بولدى.
جارىستا كانادالىق سپورتشى ارەندز مارك وسى قاشىقتىقتى 39 مينۋت 20 سەكۋندتا ءجۇرىپ ءوتىپ، ءبىرىنشى ورىنعا يە بولدى.
ال ەكىنشى ورىنعا 41.22 ناتيجەسىمەن ۋكراينالىق سپورتشى گرەگوريي ۆوۆچۋنسكيي جايعاستى.
ايتا كەتسەك، پاراشاڭعى مەن پارابياتلوننان الەم كۋبوگى ءۇش كەزەڭدە وتەدى.
العاشقى كەزەڭ فينليانديانىڭ ۆۋوكاتتي قالاسىندا 7-19 جەلتوقسان ارالىعىندا ءوتىپ جاتىر.
ەكىنشى كەزەڭ اقش-تا، ءۇشىنشى كەزەڭ جاپونيادا ۇيىمداستىرىلادى دەپ جوسپارلانعان.
الەم كۋبوگى كەزەڭدەرىنىڭ ناتيجەسى بويىنشا ۇزدىك سپورتشىلار 2026 جىلى وتەتىن قىسقى پاراليمپيادا ويىندارىنا جولداما الادى.