بۋبليك 6:1، 6:2، 6:4 ەسەبىمەن جەڭىسكە جەتتى.
قازاقستاننىڭ ءبىرىنشى، الەمنىڭ 38-راكەتكاسى الەكساندر بۋبليك ۋيمبلدون ءتۋرنيرىن جەڭىسپەن باستادى، دەپ حابارلايدى Almaty-akshamy.kz قتف باسپا ءسوز قىزمەتىنە سىلتەمە جاساپ.
«ۇلكەن دۋلىعا» جارىسى - ۇلىبريتانيا اشىق چەمپيوناتىنىڭ العاشقى اينالىمىندا قازاقستاندىق تەننيسشى الەمنىڭ 59-راكەتكاسى، ماجارستاندىق مارتون فۋچوۆيچپەن شەبەرلىك بايقاستى. بۋبليك 6:1، 6:2، 6:4 ەسەبىمەن جەڭىسكە جەتتى. ساعات جارىمعا جۋىق ۋاقىتقا سوزىلعان ماچتا قازاقستاندىق سپورتشى 16 ەيس جاساپ، 10 برەيك-پوينتتىڭ تەڭ جارتىسىن پايدالانا ءبىلدى. الەكساندر ەكىنشى اينالىمدا الەمنىڭ 64-راكەتكاسى، سەربيالىق دۋشان لايوۆيچپەن كۇش سىناسادى. بۇگىن سونداي-اق ميحايل كۋكۋشكين كورتقا شىعادى. ونىڭ قارسىلاسى - امەريكالىق دجەنسون برۋكسبي.