قازاقستاندىق تەننيسشى 9 قاڭتاردا بەلگيالىق داۆيد گوففەنمەن شەبەرلىك بايقاسادى.
قازاقستاننىڭ ءبىرىنشى، الەمنىڭ 37-راكەتكاسى الەكساندر بۋبليك وكلەند (جاڭا زەلانديايا) اتر 250 تۋرنيرىندە ب ا ق سىنايدى، دەپ حابارلايدى اlmaty-akshamy.kz قازاقپارات تىلشىسىنە سىلتەمە جاساپ.
قازاقستاندىق تەننيسشى 9 قاڭتار كۇنى العاشقى اينالىمدا دۇنيەجۇزىلىك رەيتينگىدە 53-ورىندا تۇرعان بەلگيالىق داۆيد گوففەنمەن شەبەرلىك بايقاسادى. ا. بۋبليك سونىمەن قاتار، اۋستراليالىق دجون سميتپەن بىرگە جۇپتىق سىندا دا ونەر كورسەتەدى.
جارىس 14 قاڭتار كۇنى مارەگە جەتەدى. بۇل 16 قاڭتار كۇنى باستالاتىن اۋستراليا اشىق چەمپيوناتى الدىنداعى سوڭعى دايىندىق بولماق.
قازاقستاننىڭ ايەلدەر اراسىنداعى ءبىرىنشى، الەمنىڭ 21-راكەتكاسى ەلەنا رىباكينا ادەلايدا-2 (اۋستراليا) WTA 500 دوداسىندا جەكەلەي سىندا رەيتينگىدە 8-ساتىداعى رەسەيلىك داريا كاساتكينامەن كەزدەسەدى. ەلەنا جۇپتىق سىندا رەسەيلىك اناستاسيا پاۆليۋچەنكوۆامەن بىرگە وينايدى.
قازاقستاننىڭ جۇپتىق سىنداعى ءبىرىنشى، الەمنىڭ 11-راكەتكاسى اننا دانيلينا ءۇندىستاندىق سانيا ميرزامەن بىرگە ادەلايدادا جارىستىڭ كوشباسشىسى بولىپ تىركەلگەن چەحيالىق باربورا كرەيچيكوۆا - اۋستراليالىق ستورم حانتەرمەن ءوزارا مىقتىنى انىقتايدى.
قازاقستاننىڭ باسقا دا تەننيسشىلەرى الداعى اپتادا ب ا ق سىناماقشى.