الەكساندر بۋبليك اقش اشىق چەمپيوناتىنىڭ ءۇشىنشى اينالىمىنا شىعا المادى

جەكەلەي سىندا قازاقستاننان يۋليا پۋتينسيەۆا عانا قالدى

قازاقستاننىڭ ءبىرىنشى، الەمنىڭ 47-راكەتكاسى الەكساندر بۋبليك اقش اشىق چەمپيوناتىنىڭ ءۇشىنشى اينالىمىنا شىعا المادى، دەپ حابارلايدى Almaty-akshamy.kz قازاقپاراتقا سىلتەمە جاساپ.

قازاقستاندىق تەننيسشى ەكىنشى اينالىمدا الەمنىڭ 15-راكەتكاسى، مونرەال ماستەرس ءتۋرنيرىنىڭ چەمپيونى، يسپانيالىق پابلو كاررەنو-بۋستامەن شەبەرلىك بايقاستى.

الەكساندر بۋبليك باسەكەنى جاقسى باستادى - 6:4. الايدا ءبىرىنشى پارتيادان كەيىن يسپانيالىق سپورتشى كۇش الىپ كەتتى - 6:4، 6:3، 7:6 (7:5).

ءۇش ساعاتتاي ۋاقىتقا سوزىلعان تارتىستى باسەكە بارىسىندا بۋبليك 28 ەيس جاساپ، 12 برەيك-پوينتتىڭ ەكەۋىن عانا پايدالاندى. قارسىلاسى 5 ەيس، 3 برەيكپەن (8 برەيك-پوينت) كوزگە ءتۇستى.

وسىلايشا، جۇلدە قورى 60 ملن دوللارعا باعالانعان اقش اشىق چەمپيوناتىندا جەكەلەي سىندا قازاقستاننان يۋليا پۋتينسيەۆا عانا قالدى.

ەسكە سالا كەتەيىك، بۇدان بۇرىن الەكساندر بۋبليكتىڭ اقش اشىق چەمپيوناتىنىڭ ەكىنشى اينالىمىنا شىققانىن جازعان بولاتىنبىز.

ال ەلەنا رىباكينا اتالعان چەمپيوناتتا جەڭىلىپ قالدى.
يۋليا پۋتينسيەۆا ءتۋرنيردى جەڭىسپەن باستادى.