الداعى ءۇش كۇندە قازاقستاندا اۋا رايى كۇرت سۋىتادى

قازاقستاندا 12-14 قاراشا كۇندەرى اۋا رايى كۇرت سۋىتىپ، ەلىمىزدىڭ كوپ بولىگىندە قۇبىلمالى بولادى، دەپ حابارلايدى aqshamnews.kz.

قازگيدرومەت مالىمەتىنشە، الداعى ءۇش كۇندە ەلىمىزدىڭ وڭتۇستىك-باتىسى، وڭتۇستىگى جانە وڭتۇستىك-شىعىسىندا قار ارالاس جاڭبىر جاۋادى. ال سولتۇستىك، شىعىس جانە ورتالىق ايماقتاردا بوران سوعىپ، كوكتايعاق بولادى، جەلدىڭ كۇشەيۋى كۇتىلۋدە. 12 قاراشادا شىعىس قازاقستان وبلىسىندا، 12-13 قاراشادا ەلىمىزدىڭ وڭتۇستىك-شىعىسىندا قالىڭ قار جاۋادى، 13 قاراشادا ەلدىڭ وڭتۇستىگىندە جاڭبىر مەن قار ارالاس جاۋۋى ىقتيمال. تەك باتىس وبلىستارىندا، سونداي-اق 14 قاراشادا وڭتۇستىكتە كۇن اشىق بولادى.

تەمپەراتۋرانىڭ وزگەرۋى:

• باتىس وبلىستاردا اۋا تەمپەراتۋراسى تۇندە 0-دەن -11°C ارالىعىندا بولادى.
• سولتۇستىك-باتىس، سولتۇستىك جانە ورتالىق وڭىرلەردە تۇندە -8-18°C، كەي جەرلەردە -3-15°C دەيىن سۋىتادى، كۇندىز تەمپەراتۋرا -5-12°C ارالىعىندا بولماق.
• شىعىس قازاقستاندا 13 قاراشادا تۇندە اۋا تەمپەراتۋراسى -10-25°C-كە دەيىن كۇرت تومەندەيدى، كۇندىز 5-16°C سۋىق بولادى.
• 14 قاراشادا شىعىستا تۇندە تەمپەراتۋرا 7-20°C ايازعا دەيىن، كۇندىز 2-13°C سۋىق بولادى.
• وڭتۇستىكتە اۋا تەمپەراتۋراسى بىرتىندەپ تومەندەپ، تۇندە +6-6°C، كۇندىز +3-5°C اراسىندا بولادى.

الداعى كۇندەردە اۋا رايىنا بايلانىستى جولداردا كوكتايعاق بولۋى مۇمكىن، سوندىقتان جۇرگىزۋشىلەر مەن جاياۋ جۇرگىنشىلەرگە ساق بولۋ ۇسىنىلادى.