2025 جىلعا قاراي اۋىل مەكتەپتەرىنىڭ 95 پايىزى جاڭعىرتىلادى. بۇل جايىندا سەنات دەپۋتاتتارىنىڭ ساۋالىنا ق ر پرەمەر-مينيسترى اسقار ءماميننىڭ جاۋابىندا ايتىلعان، دەپ حابارلايدى almaty-akshamy.kz
«اۋىلدا ءبىلىم بەرۋ ساپاسىن جاقسارتۋ ءۇشىن 2025 جىلعا قاراي 5000 مەكتەپكە جاڭعىرتۋ جۇرگىزۋ جوسپارلانۋدا. بۇل اۋىل مەكتەپتەرىنىڭ – 95 پايىزى. 2021 جىلى 5000 مەكتەپتىڭ 1015ء-ى، 2022 جىلى - 1003 مەكتەپ، 2023 جىلى - 994 مەكتەپ، 2024 جىلى - 994 مەكتەپ، 2025 جىلى - 994 مەكتەپ جاڭعىرتىلاتىن بولادى. بارلىعى 5000 مەكتەپتى جاڭعىرتۋعا جەرگىلىكتى بيۋدجەتتەن 51،4 ملرد تەڭگەدەن استام قاراجات جوسپارلانعان»، - دەپ اتاپ وتەدى پرەمەر-مينيستر جاۋابىندا.
ونىڭ اتاپ وتىنشە، اۋىل مەكتەپتەرىن جاڭعىرتۋ كۇردەلى جانە اعىمداعى جوندەۋ جۇرگىزۋدى، مەكتەپتەردى پاندىك كابينەتتەرمەن، مەكتەپ جيھازىمەن جاراقتاندىرۋدى، مەكتەپ كىتاپحانالارى مەن اسحانالارىن جاڭعىرتۋدى، جوعارى جىلدامدىقتى ينتەرنەتپەن قامتاماسىز ەتۋدى قامتيدى.
«ءبىلىم جانە عىلىم مينيسترلىگى وبلىستاردىڭ، نۇر-سۇلتان، الماتى جانە شىمكەنت قالالارىنىڭ اكىمدىكتەرىمەن بىرلەسىپ، مەكتەپ قۇرىلىسىنىڭ جاڭا مودەلىن بىرلەسىپ قارجىلاندىرۋدى ەسكەرە وتىرىپ، الداعى 5 جىلعا ارنالعان مەكتەپ قۇرىلىسىنا قاجەتتىلىككە ەگجەي-تەگجەيلى تالداۋ جۇرگىزدى جانە 2021-2025 جىلدارعا ارنالعان 800 مەكتەپ قۇرىلىسىنىڭ جوسپار-كەستەسىن ازىرلەدى»،- دەدى ۇكىمەت باسشىسى.