ماماندار: مامىرداعى مەرەكەلەر كەزىندە كەيبىر دارىلىك پرەپاراتتاردىڭ وزدەرىڭىزبەن بىرگە بولعانى ءجون
تەراپيەۆت-دارىگەر الەكسەي حۋحريەۆ مەرەكە كۇندەرى ءدارى ساقتايتىن قوراپتا رەگيدراتاسياعا ارنالعان پرەپارات، انتيگيستاميندى جانە ۋلانۋ كەزىندە كومەكتەسەتىن دارى-دارىمەكتەر، سونىمەن قاتار، بەلسەندىرىلگەن كومىر بولۋى كەرەك دەگەن كەڭەس بەردى، دەپ حابارلايدى Almaty-akshamy.kz رەن-تۆ سايتىنا سىلتەمە جاساپ.
ونىڭ پىكىرىنشە، رەگيدراتاسياعا ارنالعان پرەپاراتتار ۋلانۋ كەزىندە، قۇسۋ نەمەسە ديارەيا كەزىندە كومەكتەسەدى. سونىمەن قاتار، ونىڭ ايتۋىنشا، تاماقتان ۋلانىپ قالعان كەزدە ادام ەلەكتروليتتەرىن ازايتادى.
"ادام السىرەپ، بۇلشىق ەتتەرى اۋىرىپ، كوزى تۇماندانىپ، ءىشى بۇرايدى. وسىنىڭ ءبارى قۇسۋ نەمەسە ءىشى كەتۋ كەزىندە ادامنىڭ ەلەكتروليتتەرىن جوعالتۋدان بولادى، ولاردى قايتا قالپىنا كەلتىرۋ كەرەك بولادى"، - دەپ ءتۇسىندىردى دارىگەر.
سونىمەن بىرگە، مىندەتتى تۇردە بولۋى ءتيىس دارىلەر قاتارىندا انتيگيستاميندى پرەپاراتتار دا بولسا، ارتىق بولمايدى. بۇل پرەپاراتتار شىبىن-شىركەي، قۇرت-قۇمىرسقا مەن جاندىكتەر شاعىپ العان جاعدايدا اللەرگيالىق رەاكسيا تۋىنداعان كەزدە كومەكتەسەدى. اۋىرسىنۋدى باساتىن پرەپاراتتار، بەلسەندىرىلگەن كومىر، جارانى تاڭاتىن پلاستىر، داكەلەر، بريلليانت جاسىلى (زەلەنكا) جانە كۇيىككە قارسى دارىلىك پرەپاراتتار مىندەتتى تۇردە بولۋى كەرەك دەپ سانايدى. الەكسەي حۋحريەۆ اۋىرۋ جانە سپازم كەزىندە كومەكتەسەتىن سپازموليتيك پەن جوعارى تەمپەراتۋرانى باساتىن دارىلەردى دە الىپ جۇرۋگە كەڭەس بەردى.