كەي جەرلەردە اۋا تەمپەراتۋراسى 43°س-قا دەيىن كوتەرىلەدى.
سينوپتيكتەر تامىزدىڭ 3-5 ارالىعىندا اۋا رايى قانداي بولاتىنىن بولجادى، دەپ حابارلايدى Almaty-akshamy.kz.
«يران اۋداندارىنان ىستىق جانە قۇرعاق اۋا ماسساسى ەلدىڭ باتىس جانە وڭتۇستىك ايماقتارىن قامتيدى. وندا ءالى دە وتە قاتتى ىستىق ساقتالادى – 35-40، كەي جەرلەردە 43°س-قا دەيىن. اتموسفەرالىق فرونتتاردىڭ وتۋىمەن رەسپۋبليكانىڭ سولتۇستىگى مەن شىعىسىندا جاڭبىر جاۋادى، 15-20 م/س جەل كۇشەيەدى جانە اۋا تەمپەراتۋراسىنىڭ ازداپ تومەندەۋى كۇتىلەدى: كۇندىز سولتۇستىكتە، ورتالىقتا جانە شىعىستا 23-33°س-قا دەيىن»، – دەلىنگەن «قازگيدرومەت» رمك حابارلاماسىندا.