كەي ايماقتاردا نوسەر جاڭبىر جاۋادى، قاتتى جەل سوعادى.
الداعى ءۇش تاۋلىكتە قازاقستان اۋماعىنىڭ باسىم بولىگى فرونتالدى بولىكتەردىڭ ىقپالىندا بولىپ، جاڭبىر جاۋادى، دەپ حابارلايدى Akmaty-akshamy.kz «قازگيدرومەت» رمك سايتىنا سىلتەمە جاساپ.
10 ماۋسىمدا قازاقستاننىڭ ورتالىعىندا جانە وڭتۇستىك-شىعىسىندا نايزاعاي ويناپ، قاتتى جەل سوعادى، نوسەر جاڭبىر مەن بۇرشاق كۇتىلەدى.
«وڭتۇستىك وڭىرلەردە شاڭدى داۋىل ساقتالادى. كەزەكتى سولتۇستىك-باتىس سۋىق انتيسيكلونى ەلىمىزدىڭ سولتۇستىك جارتىسىندا اۋا تەمپەراتۋراسىنىڭ تۇندە 3-8، كەي جەرلەردە 12 گرادۋسقا دەيىن تومەندەۋىنە الىپ كەلەدى، كۇندىز 17-22، كەي جەرلەردە 25 گرادۋس جىلى بولادى. ەلدىڭ قالعان اۋماعىندا تەمپەراتۋرا فونىندا ايتارلىقتاي وزگەرىستەر كۇتىلمەيدى»، – دەپ حابارلايدى ماماندار.