اۋا رايى تۇراقسىز بولادى.
«قازگيدرومەت» ماماندارى 22-24 جەلتوقسان كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz.
الداعى كۇندەرى قازاقستاننىڭ باسىم بولىگىندە اۋا رايىنىڭ تۇراقسىز سيپاتتا بولادى. جىلۋ مەن ىلعالدىڭ ۇلكەن قورى بار اتلانتيكالىق سيكلونمەن قار، بۇرقاسىن، جەلدىڭ كۇشەيۋى 15-20، ەكپىنى 23-28 م/س كۇتىلەدى، ەلىمىزدىڭ باتىسىندا، وڭتۇستىگىندە، وڭتۇستىك-شىعىسىندا كوكتايعاق بولادى دەپ بولجانادى.
«اتموسفەرالىق جوعارى قىسىم القابىمەن تەك ەلىمىزدىڭ باتىسى مەن وڭتۇستىگىندە نەگىزىنەن جاۋىن-شاشىنسىز بولادى دەپ كۇتىلۋدە. سينوپتيكالىق پروسەستەردىڭ تەز اۋىسۋىمەن تەمپەراتۋراسىنىڭ كۇرت وزگەرۋى كۇتىلەدى، اتاپ ايتقاندا، ەلىمىزدىڭ سولتۇستىگىندە، شىعىسىندا جانە ورتالىعىندا اۋا تەمپەراتۋراسى 23 جەلتوقساندا تۇندە 20-35 گرادۋسقا دەيىن تومەندەيدى، ال 24 جەلتوقساندا تۇندە 5-20 گرادۋس ايازعا دەيىن تومەندەيدى»، - دەلىنگەن سينوپتيكتەردىڭ حابارلاماسىندا.