كەي وڭىرلەردە قاتتى نوسەر جاۋادى.
سينوپتيكتەر الداعى ءۇش كۇننىڭ اۋا رايى قانداي بولاتىنىن ايتىپ بەردى، دەپ حابارلايدى Almaty-akshamy.kz
"جاقىن كۇندەرى قازاقستاننىڭ بۇكىل اۋماعى دەرلىك سيكلوندىق بەلسەندىلىكتىڭ ىقپالىندا بولادى – نايزاعاي ويناپ، ەكپىندى جەل سوعادى، ەلىمىزدىڭ باتىسىندا، سولتۇستىگىندە جانە سولتۇستىك-باتىسىندا بۇرشاق جاۋۋى مۇمكىن. 22-23 ماۋسىمدا رەسپۋبليكانىڭ باتىسىندا، 22-24 ماۋسىمدا سولتۇستىك-باتىستا، 22 ماۋسىمدا سولتۇستىگىندە قاتتى جاڭبىر جاۋادى دەپ كۇتىلۋدە"، - دەلىنگەن حابارلامادا.
سينوپتيكتەر كۇندىز اۋا تەمپەراتۋراسىنىڭ كوتەرىلۋى كۇتىلەتىنىن دە اتاپ ءوتتى:
رەسپۋبليكانىڭ باتىسىندا +25+35°س دەيىن،
شىعىستا +31+39°س دەيىن،
سولتۇستىك-باتىسىندا +22+30°س دەيىن تومەندەيدى،
وڭتۇستىگىندە +30+38°س دەيىن،
وڭتۇستىك-شىعىستا +25+38°س دەيىن،
سولتۇستىكتە، ورتالىقتا +23+36°س-تان +28+38°س-قا دەيىن تەربەلىس.
بۇعان دەيىن سينوپتيكتەر 2024 جىلدىڭ 21 ماۋسىمى، جۇما كۇنى قازاقستاننىڭ بەس قالاسىندا زياندى قوسپالاردىڭ جوعارى دەڭگەيى كۇتىلەتىنىن ەسكەرتكەن بولاتىن.