"قازگيدرومەت" سينوپتيكتەرى 29، 30 جانە 31 قاڭتارعا ارنالعان اۋا رايى بولجامىن ۇسىندى، - دەپ حابارلايدى aqshamnews.kz ءتىلشىسى.
الداعى ءۇش تاۋلىكتە قازاقستان اۋماعىنىڭ باسىم بولىگى كەڭ انتيسيكلوننىڭ ىقپالىندا بولادى. سوعان بايلانىستى اۋا رايى كوبىنە جاۋىن-شاشىنسىز بولادى دەپ كۇتىلەدى.
"تەك ەلدىڭ باتىس، وڭتۇستىك جانە وڭتۇستىك-شىعىس وڭىرلەرى اتموسفەرالىق فرونتتاردىڭ اسەرىندە قالادى. بۇل ايماقتاردا جاڭبىر مەن قار تۇرىندەگى جاۋىن-شاشىن، بۇرقاسىن، كوكتايعاق كۇتىلەدى. تۇركىستان وبلىسىنىڭ تاۋلى اۋداندارىندا 31 قاڭتاردا قاتتى جاۋىن-شاشىن بولادى. قازاقستان بويىنشا تۇمان ءتۇسىپ، جەلدىڭ كۇشەيۋى بولجانادى"، – دەدى سينوپتيكتەر.
اۋا تەمپەراتۋراسى قانداي بولادى؟
مەتەورولوگتار مالىمەتىنشە، قازاقستان اۋماعىندا اۋا تەمپەراتۋراسى بىرتىندەپ جوعارىلايدى. 31 قاڭتاردا كۇندىز اۋا تەمپەراتۋراسى:
- قازاقستاننىڭ باتىسىندا، وڭتۇستىگىندە جانە وڭتۇستىك-شىعىسىندا – 5 گرادۋس ايازدان 5 گرادۋس جىلىعا دەيىن،
- سولتۇستىك-باتىسىندا، سولتۇستىگىندە، شىعىسىندا جانە ورتالىق وڭىرلەرىندە – 2–10 گرادۋس اياز بولادى.