كەي جەرلەردە ەكپىندى جەل، وڭتۇستىك پەن باتىستا شاڭدى داۋىل بايقالادى.
سينوپتيكتەر بەيەنبى كۇنى قازاقستاندا بولاتىن اۋا رايى تۋرالى ايتتى، دەپ حابارلايدى Almaty-akshamy.kz.
21 شىلدەدەن باستاپ ەلدىڭ سولتۇستىك، سولتۇستىك-باتىس بولىگىنە انتيسيكلون جوتاسى اسەر ەتەدى، وندا جاۋىن-شاشىنسىز جىلى اۋا رايى كۇتىلەدى.
«باتىستا اۋا تەمپەراتۋراسى تۇندە +20+25℃، كۇندىز +33+41℃، رەسپۋبليكانىڭ سولتۇستىگىندە اۋا تەمپەراتۋراسى تۇندە +10+18℃، كۇندىز تەرمومەتردىڭ باعاندارى +23+35℃، سولتۇستىك-باتىستا تۇندە +12+25℃، كۇندىز +25+40℃، ەلدىڭ ورتالىعىندا جانە شىعىسىندا اۋا تەمپەراتۋراسى تۇندە +10+21℃، كۇندىز +25+35℃، قازاقستاننىڭ وڭتۇستىگىندە جانە وڭتۇستىك-شىعىسىندا تۇنگى تەمپەراتۋرا +13+25°س، +30+40°س»،– دەلىنگەن «قازگيدرومەت» حابارلاماسىندا.