الماتىدا 2024 جىلدىڭ سوڭىنا دەيىن قالا ماڭىنا قاتىنايتىن 20 جاڭا باعىت اشىلادى
كولىك بايلانىسىن جاقسارتۋ جانە قالا ماڭى تۇرعىندارىن قوعامدىق كولىكپەن قامتاماسىز ەتۋ ماقساتىندا «الماتى قالاسىن دامىتۋدىڭ 2025 جىلعا دەيىنگى باعدارلاماسىن جانە 2030 جىلعا دەيىنگى ورتا مەرزىمدى پەرسپەكتيۆالارىن» ىسكە اسىرۋ جونىندەگى جول كارتاسىنا سايكەس، 2024 جىلدىڭ سوڭىنا دەيىن قالا ماڭىنا قاتىنايتىن 20 جاڭا مارشرۋت ۇيىمداستىرۋ جوسپارلانىپ وتىر. مۇنداي شەشىمدى دەپۋتاتتار الماتى قالاسى ءماسليحاتىنىڭ كەزەكتەن تىس ءحى سەسسياسىندا قابىلدادى.
2023 جىلدىڭ سوڭىنا دەيىن قالا ماڭىنا قاتىنايتىن 10 جاڭا مارشرۋت ۇيىمداستىرۋدى جوسپارلاعان، ءقازىر ونىڭ 9-ى اشىلدى:
- № 216 تالعار اۋدانى داۋلەت كەنتى-الماتى 1 ۆوكزالى
- № 223 تۋعانباي كەنتى، نۇرا تالعار اۋدانى-الماتى 1 ۆوكزالى
- № 232 سۇلتان كەشەنى، تۇزدىباستاۋ كەنتى-الماتى 2 ۆوكزالى
- № 233 قاروي كەنتى ىلە اۋدانى - ساياحات اۆتوۆوكزالى
- № 234 ەلامان كەنتى-جەتىسۋ بازارى
- № 235 يسايەۆ-سولتۇستىك اينالما جولى سالەم بازارى
- № 236 قارعالى كەنتى جامبىل اۋدانى-تولە بي ياسساۋي
- № 240 باتىر كەنتى ىلە اۋدانى-ادەم ءسۇ
- № 247 مىڭبايەۆ كەنتى جامبىل اۋدانى-تولە بي ياسساۋي
-
№244 مارشرۋتتى تاسىمالداۋشىلاردىڭ جىل سوڭىنا دەيىن جاڭا اۆتوبۋستار ساتىپ الۋىنا قاراي اشۋ جوسپارلانۋدا.
سونىمەن قاتار، №9، №89، №97 جاڭا قالالىق مارشرۋتتار اشىلدى.
قاشىقتىققا بايلانىستى قولدانىستاعى 2 مارشرۋتتىڭ سحەماسى ءبولىندى:
- №20 مارشرۋت № 20 جانە № 58 مارشرۋتتارعا بولىنگەن؛
- №115 مارشرۋت № 115 جانە № 136 مارشرۋتتارعا بولىنگەن.
سونىمەن قاتار، جىل سوڭىنا دەيىن №27-مارشرۋت №27، 76-مارشرۋتتارعا بولىنەدى، تاسىمالداۋشىلاردىڭ جاڭا اۆتوبۋستار ساتىپ الۋىنا قاراي ۇيىمداستىرۋ جوسپارلانۋدا.
الماتى قالاسىنىڭ تەمىرجول كولىگى سالاسىنداعى الەۋمەتتىك ماڭىزى بار قالا ماڭىنداعى جولاۋشىلار قاتىناستارىنىڭ تىزبەسىنە وزگەرىستەر ەنگىزىلدى. ماسەلەن، الماتى قالاسى ءماسليحاتىنىڭ شەشىمىندە زاڭدى ناقتىلاۋ ءۇشىن قوزعالىس اتاۋى مەن سحەماسى (الماتى-2 ستانسياسىنا دەيىن ۇزارتۋ) «قازىبەك بەك-الماتى-2-قازىبەك» بولىپ وزگەرتىلەدى.
ەستەرىڭىزگە سالساق، 2017 جىلى «الماتى-1 تج-ۇزىناعاش ستانسياسى-الماتى-1 تج» باعىتىندا الەۋمەتتىك ماڭىزى بار ەلەكتر تەمىرجول باعىتى ۇيىمداستىرىلعان بولاتىن.