مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا ءماجىلىس پەن بۇكىل دەڭگەيدەگى ءماسليحاتتاردىڭ سايلاۋىن كەلەسى جىلدىڭ ءبىرىنشى جارتىسىندا وتكىزۋدى ۇسىندى، دەپ حابارلايدى اlmaty-akshamy.kz
«ءماجىلىستىڭ جانە بارلىق دەڭگەيدەگى ءماسليحاتتاردىڭ سايلاۋىن كەلەسى جىلدىڭ ءبىرىنشى جارتىسىندا وتكىزۋدى ۇسىنامىن»، - دەدى مەملەكەت باسشىسى.
مەملەكەت باسشىسى وسى ارقىلى كوپشىلىكتىڭ مۇددەسىن بىلدىرەتىن دەپۋتاتتاردىڭ جاڭا قۇرامى جاساقتالاتىنىن اتاپ ءوتتى.
«بۇل قادام ءماسليحاتتار مەن پارلامەنت جۇمىسىنىڭ تيىمدىلىگىن ارتىراتىنى ءسوزسىز. بولاشاقتا ۇكىمەتتىڭ قۇرامىنا سايلاۋشىلاردىڭ باسىم كوپشىلىگىنىڭ داۋىستارىن العان ساياسي كۇشتەردىڭ عانا ەمەس، پارلامەنتتەگى باسقا دا پارتيالاردىڭ وكىلدەرى كىرۋى مۇمكىن. مۇنداي ءتاسىل اتقارۋشى بيلىككە بۇكىل قوعامنىڭ تالاپ-تىلەگىن ەسكەرەتىن ءتيىمدى شەشىمدەر قابىلداۋعا مۇمكىندىك بەرەدى»، - دەدى قاسىم-جومارت توقايەۆ.