ۇلتتىق قوردان قارجى الۋ ازايادى. بۇل تۋرالى ەلدىڭ قارجى ءمينيسترى قارجىگەرلەردىڭ 9ء-شى كونگرەسسىندە مالىمدەدى دەپ حابارلايدى almaty-akshamy.kz.
ول ءۇشىن قانداي شارالار قابىلدانادى؟ كەيىنگى ەكى جىلدا ۇلتتىق قوردان مەملەكەت بيۋدجەتىنە الىنعان قارجى سوماسى ەكى ەسە كوبەيدى. ماسەلەن 2019-شى جىلى ۇلتتىق قوردان بيۋدجەتكە 2،2 تريلليون تەڭگە الىنسا، بىلتىر 4،7 تريلليون تەڭگە اۋدارىلدى.
ال بيىل 4 جارىم تريلليون تەڭگە جۇمسالعان. قارجى ءمينيسترىنىڭ ايتۋىنشا، كەلەر جىلى كەپىلدەندىرىلگەن ترانسفەرت 300 ميلليارد تەڭگەگە ازايادى. ال ماقساتتى ترانسفەرت 1،9 تريلليوننان 550 ميلليارد تەڭگەگە قىسقارادى. ياعني مۇنايدان تۇسكەن تابىستىڭ بيۋدجەتكە بەرىلەتىن ۇلەسى ازايىپ، ۇلتتىق قورعا جيناقتالادى. وسى تۇستا بيۋدجەتتى قالاي تولىقتىرامىز دەگەن زاڭدى ساۋال تۋادى.
قارجى ءمينيسترىنىڭ ايتۋىنشا، ول ءۇشىن نارىقتا كولەڭكەلى بيزنەستىڭ ۇلەسىن ازايتۋ، كەدەن ينفراقۇرىلىمىن جاڭارتۋ، سالىق جانە كەدەن ىسىندە سيفرلىق تەحنولوگيالاردى ەنگىزۋ سىندى ءبىرقاتار جۇمىس اتقارىلماق.