الداعى دەمالىس جاڭبىرلى بولادى

 «قازگيدرومەت» رمك سينوپتيكتەرى 12-14 تامىزعا ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.

وڭتۇستىك سيكلوننىڭ جانە سونىمەن بايلانىستى اتموسفەرالىق فرونتالدى بولىمدەردىڭ وتۋىمەن، رەسپۋبليكامىزدىڭ باسىم بولىگىندە تۇراقسىز اۋا رايى بولادى، ەلىمىزدىڭ سولتۇستىگىندە، شىعىسىندا جانە ورتالىعىندا جاڭبىر، كەي ۋاقىتتاردى قاتتى جاڭبىر جاۋىپ، نايزاعاي، بۇرشاق، 15-28 م/س دەيىن ەكپىندى جەل بولادى. نايزاعاي كەزىندە داۋىلدى جەل بولۋى ىقتيمال.

ەلىمىزدىڭ سولتۇستىك-باتىسىندا، سولتۇستىگىندە، ورتالىعىندا تۇنگى جانە تاڭەرتەڭگى ساعاتتاردا تۇمان بولادى.

قازاقستاننىڭ باتىسىندا، سولتۇستىك-باتىسىندا جانە وڭتۇستىگىندە جاۋىن-شاشىنسىز، جوعارى تەمپەراتۋرامەن اشىق اۋا رايى ساقتالادى، 12-13 تامىزدا اتىراۋ وبلىسىنىڭ وڭتۇستىك-باتىسىندا ءالى دە، وتتە قاتتى ىستىق 42° ساقتالادى، ال ەلدىڭ سولتۇستىك، شىعىس جانە ورتالىق وبلىستارىندا سالقىن اۋا رايى بولادى، اۋا تەمپەراتۋراسىنىڭ كۇندىز 12-20 جىلىعا دەيىن تومەندەيدى، ەلىمىزدىڭ وڭتۇستىك-شىعىسىندا قاتتى ىستىق 20-28 جىلىعا دەيىن تومەندەيدى.