سينوپتيكتەردىڭ مالىمەتىنشە، قازاقستان اۋماعىنىڭ قارمەن جابىلعان اۋدانى 21%-دى قۇرايدى
«قازگيدرومەت» رمك 6-12 ساۋىرگە گيدرولوگيالىق بولجام ۇسىندى، دەپ حابارلايدى اlmaty-akshamy.kz.
سينوپتيكتەردىڭ مالىمەتىنشە، قازاقستان اۋماعىنىڭ قارمەن جابىلعان اۋدانى 21%-دى قۇرايدى.
2024 جىلعى 6-12 ساۋىردەگى سينوپتيكالىق بولجامعا سايكەس قازاقستان اۋماعىنىڭ باسىم بولىگىندە اۋا رايىنىڭ تۇراقسىز سيپاتى ساقتالادى. جاۋىن-شاشىن جاڭبىر تۇرىندە جاۋادى. تۇندە جاۋىن-شاشىننىڭ جاڭبىردان قارعا اۋىسۋى: 7، 9 - 12 ساۋىردە پاۆلودار، ەلىمىزدىڭ شىعىسىندا (اباي جانە شىعىس قازاقستان وبلىستارى)، 8 ساۋىردە باتىس قازاقستان، اقتوبە وبلىستارىندا، 8 - 11 ساۋىردە قوستاناي، رەسپۋبليكامىزدىڭ سولتۇستىگىندە (سولتۇستىك قازاقستان، اقمولا وبلىستارى)، 9 - 12 ساۋىردە قاراعاندى وبلىسىندا، 11 ساۋىردە ۇلىتاۋ وبلىسىندا كۇتىلەدى. قاتتى جاڭبىر 6 ساۋىردە باتىس قازاقستان وبلىسىندا، 6 - 7، 11 - 12 ساۋىردە الماتى وبلىسىندا، 6، 9 ساۋىردە تۇركىستان وبلىسىندا، 6، 9، 11 ساۋىردە جامبىل وبلىسىندا، 8 ساۋىردە ەلىمىزدىڭ ورتالىعىندا (ۇلىتاۋ، قاراعاندى وبلىستارى)، 9، 11 - 12 ساۋىردە جەتىسۋ وبلىسىندا كۇتىلەدى. ەلىمىزدىڭ شىعىسىندا (اباي، شىعىس قازاقستان وبلىستارى) 9 - 10 ساۋىردە قاتتى جاڭبىر، 11 - 12 ساۋىردە قاتتى جاۋىن - شاشىن (جاڭبىر قارعا اۋىسادى) بولجانادى.
ەلىمىزدىڭ باتىسىندا 9 ساۋىردەن، سولتۇستىك-باتىستا 11-12 ساۋىردەن، رەسپۋبليكانىڭ سولتۇستىگىندە جانە ۇلىتاۋ وبلىسىندا 12 ساۋىردەن باستاپ جاۋىن-شاشىننىڭ توقتاۋى كۇتىلەدى.
اۋا تەمپەراتۋراسى سولتۇستىك-باتىستا، سولتۇستىكتە، شىعىستا، ەلىمىزدىڭ ورتالىعىندا تۇندە 0-5 جىلىدان 1-6 ايازعا دەيىن، كۇندىز 12-20 جىلىدان 3-10 جىلىعا دەيىن بىرتىندەپ تومەندەيدى. باتىستا اۋا تەمپەراتۋراسى كۇندىز 10-15 جىلىدان 20-25 جىلىعا دەيىن جوعارىلايدى. اۋا تەمپەراتۋراسى وڭتۇستىكتە، وڭتۇستىك-شىعىستا تۇندە 3-8-دەن 5-10 جىلىعا دەيىن، كۇندىز 12-20 جىلىدان 17-25 جىلىعا دەيىن، تاۋلى ايماقتاردا تۇندە 2 گرادۋس اياز-3 گرادۋس جىلى، كۇندىز 5-10-نان 7-17-گە دەيىن اۋىتقيدى.
گيدرولوگيالىق جانە مەتەورولوگيالىق جاعدايلار كۇرت وزگەرگەن جاعدايدا «قازگيدرومەت» سۋ تاسقىنى ءقاۋپى تۋرالى داۋىلدى ەسكەرتۋلەرمەن الدىن الا حاباردار ەتەتىن بولادى.