قازاقستان ۇلتتىق بانكىنىڭ ءتوراعاسى تيمۋر سۇلەيمەنوۆ الاتاۋ جاڭا مەگاپوليسى الماتى قالاسىنا قارسى تارتىلىس ورتالىعى (كونترماگنيت) بولاتىنىنا سەنىمدى،دەپ حابارلايدى aqshamnews.kz
ونىڭ ايتۋىنشا، بۇل — جاڭا قالانى قۇرۋداعى باستى ماقساتتاردىڭ ءبىرى. ياعني، ەلدەگى ەڭ ءىرى مەگاپوليس الماتىنىڭ جۇكتەمەسىن ازايتۋ بولماق.
سۇلەيمەنوۆتىڭ ايتۋىنشا، الاتاۋدا قازاقستان ءۇشىن بۇرىن-سوڭدى بولماعان ەرەكشە شارالار قولعا الىنادى.
بۇل — جاڭا بۋىن قالاسى بولادى، وندا ءبارى جاڭاشا قۇرىلماق. ول الماتىعا قارسى تارتىلىس ورتالىعى رەتىندە قىزمەت ەتەدى. الماتى اگلومەراسياسىنىڭ قانشالىقتى ۇلكەن ەكەنىن ءبارىمىز تۇسىنەمىز – 3،2 ميلليون ادام. بۇل ەكولوگياعا، جول قوزعالىسىنا، جۇكتەمەگە اسەر ەتەدى. سول سەبەپتى، بىزگە جۇمىس كۇشى مەن تۇرعىن ءۇي قورىن الماتىدان تارتىپ الا الاتىن، ساپاسى جاعىنان كەم تۇسپەيتىن اۋماق قاجەت. الاتاۋ ءۇشىن بولەك زاڭ قابىلدانادى، ونىڭ اياسىندا ەلىمىزدە بۇرىن قولدانىلماعان تەتىكتەر ەنگىزىلەدى. سونىڭ ءبىرى – كريپتوۆاليۋتا ارقىلى تولەم جاساۋعا مۇمكىندىك بەرىلەدى، – دەدى سۇلەيمەنوۆ.
الاتاۋ الماتى قالاسىنىڭ ورتالىعىنان شامامەن 47 شاقىرىم سولتۇستىكتە ورنالاسقان. جاڭا قالا ق ر ۇكىمەتىنىڭ 2024 جىلعى 9 قاڭتارداعى قاۋلىسىنا سايكەس الاتاۋ اۋىلىنىڭ بازاسىندا قۇرىلعان.
جاڭا قالانىڭ قۇرامىنا 12 اۋىل ەندى: زارەچنوە، ارنا، جەتىگەن، ەڭبەك، جاناارنا، قۇيعان، جاناداۋر، جاناتالاپ، ىنتىماق، قويانقۇس، داۋلەت جانە قايرات.