الماتىنىڭ الاتاۋ اۋدانىنداعى 60 مىڭنان استام تۇرعىن مەديسينالىق قىزمەتتەرمەن قامتىلاتىن بولادى
الماتى اكىمى ەربولات دوسايەۆ جۇمىس ساپارى جانە حالىقپەن ەسەپتىك كەزدەسۋ اياسىندا الاتاۋ اۋدانىنىڭ «نۇركەنت» شاعىن اۋدانىندا اۋىسىمدا 400 ادام قابىلدايتىن جاڭا جەكە كلينيكادا بولدى، دەپ حابارلايدى almaty-akshamy.kz
مەديسينالىق ورتالىق بيىل مامىر ايىندا اشىلدى. كەپىلدىك بەرىلگەن كولەم اياسىندا تىركەلگەن حالىق ءۇشىن تەگىن مەديسينالىق قىزمەتتەر كورسەتىلەدى. بۇل جەدەل جاردەم، شۇعىل ستاسيونارلىق جانە امبۋلاتوريالىق كومەك، ونكولوگيالىق كومەك، تۋبەركۋلەز كەزىندەگى پاللياتيۆتىك كومەك، بەيىندى مامانداردىڭ كونسۋلتاسياسى، وڭالتۋ، بەلگىلى ءبىر اۋرۋلار جانە دارى-دارمەكتەر ءتىزىمى بويىنشا بۇيرىققا سايكەس دارى-دارمەكپەن قامتاماسىز ەتۋ. بۇگىندە مەديسينالىق ورتالىققا اۋداننىڭ 23،2 مىڭ تۇرعىنى تىركەلگەن.
الماتى اكىمى جۇمىس ساپارى بارىسىندا كلينيكانىڭ قىزمەتىمەن تانىسىپ، ۇجىممەن كەزدەستى. الاڭى 5،5 مىڭ شارشى مەتر عيمارات زاماناۋي مەديسينالىق جابدىقتارمەن جابدىقتالعان. كلينيكانىڭ ەرەكشەلىگى-برونح دەمىكپەسى، برونحيت جانە پنيەۆمونيا اۋرۋلارىن ەمدەۋگە ارنالعان تۇز شاحتاسىنىڭ، سونداي-اق ەستۋ قابىلەتىنىڭ بۇزىلۋىن انىقتاۋ ماقساتىندا جاڭا تۋعان نارەستەلەر مەن 6 جاسقا دەيىنگى بالالارداعى ەستۋ قابىلەتىن انىقتاۋعا باعىتتالعان اۋديو سكرينينگ اپپاراتىنىڭ بولۋى.
ەربولات دوسايەۆ قالا تۇرعىندارىنا ساپالى مەديسينالىق كومەك كورسەتۋدىڭ ماڭىزدىلىعىن اتاپ ءوتتى.
«حالىققا ىڭعايلى بولۋ ءۇشىن جاڭا تەحنولوگيالاردى ەنگىزە وتىرىپ، كورسەتىلەتىن مەديسينالىق قىزمەتتەردىڭ ساپاسىن ارتتىرۋ ماڭىزدى. ءبىز ءارقاشان وسىنداي ماڭىزدى الەۋمەتتىك نىسانداردى ىسكە اسىرۋعا قاتىساتىن مەسەناتتاردى قولدايمىز»، - دەدى مەگاپوليس باسشىسى.
ايتا كەتەرلىگى، «نۇركەنت» شاعىن اۋدانىندا مەملەكەتتىك مەديسينالىق مەكەمەلەر جوق. ەڭ جاقىن №29 قالالىق ەمحانا «زەردەلى» شاعىن اۋدانىندا ورنالاسقان. جەكە كلينيكانىڭ اشىلۋى «نۇركەنت»، «اقكەنت»، «زەردەلى»، «العاباس»، «تەرەكتى» جانە «دارابوز» شاعىن اۋداندارىنىڭ 60 مىڭنان استام تۇرعىنىن مەديسينالىق قىزمەتپەن قامتۋعا مۇمكىندىك بەردى جانە بۇل قالالىق ەمحانانىڭ جۇكتەمەسىن ازايتتى.
