450 جاڭا اۆتوبۋس ساتىپ الدى.
قوعامدىق كولىك جۇمىسىنىڭ ساپاسىنا اۋدان تۇرعىندارى كوپ شاعىمىن تۋدىردى. بۇل اۆتوبۋس پاركىنىڭ جەتىسپەۋشىلىگىمەن بايلانىستى ەدى. بۇل تۋرالى الاتاۋ اۋدانىنىڭ تۇرعىندارىمەن كەزدەسۋدە قالا اكىمى ەربولات دوسايەۆ ايتتى، دەپ حابارلادى Almaty-akshamy.kz.
بيىلعى جىلدىڭ كوكتەمىندە اكىمدىك 450 جاڭا اۆتوبۋس ساتىپ الدى، ونىڭ ىشىندە 92 اۆتوبۋس الاتاۋ اۋدانىندا تاراتىلدى. وسىلايشا، ءقازىر اۋداننىڭ اۆتوبۋس پاركى 100% جاڭارتىلدى.
جاڭا اۆتوبۋستاردىڭ ارقاسىندا 12 مارشرۋت جەلىسىنىڭ ماسەلەلەرى شەشىلدى.
تۇرعىنداردىڭ وتىنىش-تىلەكتەرىن ەسكەرە وتىرىپ، "تەپلوەنەرگەتيك" ساياجاي ماسسيۆىنە №142، "تەرەكتى" ش/ا №53، "قاراسۋ" ش/ا "ادەم" ساۋدا ۇيىنە دەيىن №35، “مادەنيەت” تۇرعىن ءۇي كەشەنىنەن باستاپ “وجەت” شاعىن اۋدانىنا دەيىن №24 جاڭا مارشرۋت اشىلدى.
"قاراسۋ" مەن "سامعاۋ" شاعى اۋدانىندارىندا 2 مارشرۋت ۇزارتىلىپ، جىلجىمالى قۇرام سانى كوبەيتىلدى. بۇل مارشرۋتتار ينتەرۆالىن ساقتاۋعا مۇمكىندىك بەردى.
"شاڭىراق-1"، "دارحان"، "العاباس"، "تەرەكتى"، "ۇلجان" شاعىناۋداندارىندا №103، №69، №115، №132 مارشرۋت جەلىلەرىنىڭ 52 اۆتوبۋسى جاڭارتىلدى.
"راحات-مادەنيەت" ش/ا №24 جانە "سايالى" ش/ا №125 اۆتوبۋس مارشرۋتتارى قوزعالىس ينتەرۆالى قالپىنا كەلدى.
جىل باسىندا اۋداندا 90 ايالداما جەتىسپەگەن، ونىڭ 30-ى ورناتىلدى. جەلتوقسانعا دەيىن تاعى 20 ايالداما ورناتىلادى.
قالعاندارى 2023 جىلى ورناتىلادى. الاتاۋ اۋدانى بويىنشا ايالدامالاردىڭ جەتىسپەۋشىلىگى ماسەلەسى كەلەسى جىلدىڭ سوڭىنا دەيىن تولىعىمەن شەشىلەدى.