زەردەلى ىقشاماۋدانىنىڭ تۇرعىن ءۇي ماسسيۆىندەگى اۋلادا سەنبىلىك ءوتتى. تۇرعىندار تانىمال ارتىستەر، سپورتشىلار، دەپۋتاتتار جانە قوعام بەلسەندىلەرىمەن بىرگە «تازا قازاقستان» اكسياسى اياسىندا اۋماقتى تازالادى.
ءىس-شاراعا قاتىسۋشىلارعا ارناعان قۇتتىقتاۋ سوزىندە الماتى قالاسى اكىمىنىڭ ورىنباسارى ازامات قالدىبەكوۆ قالا تۇرعىندارىنىڭ ەكولوگيالىق مادەنيەتىن قالىپتاستىرۋدىڭ ماڭىزدىلىعىن اتاپ ءوتتى:
"ادامدار، ەڭ الدىمەن، وزدەرى تازالىقتى ساقتاۋ كەرەك: وزىنەن كەيىن تازالاپ، قوقىس تاستاماي، اعاشتاردى سىندىرماۋى كەرەك. تابيعاتقا ۇقىپتى قاراۋدى بالا كەزدەن ۇيرەتۋ قاجەت. بۇل – بارلىق الماتىلىق ءۇشىن ورتاق ءىس، قالانى بىرگە تازا ۇستايىق"، – دەدى ول، اكسياعا بەلسەنە قاتىسقاندارعا العىسىن بىلدىرە وتىرىپ.
الماتى قالالىق قوعامدىق كەڭەسىنىڭ ءتوراعاسى ماحامبەت حاسەنوۆ بۇل ماڭىزدى ىسكە ازاماتتاردىڭ بىرىگۋى قاجەت ەكەنىن ايتتى:
"اكسيانىڭ تابىستى ءوتۋى ءاربىر الماتىلىقتىڭ بەلسەندىلىگىنە تىكەلەي بايلانىستى. تاجىريبە تۇرعىندار ەكولوگيالىق ماسەلەلەرگە بارعان سايىن كوبىرەك كوڭىل بولە باستاعانىن، بۇل باعىتتى ءارى قاراي دامىتۋ كەرەگىن كورسەتتى. بۇل ورايدا بەلسەندىلەر مەن قوعام وكىلدەرىنىڭ ءرولى زور"، – دەدى ول.
تازالىق جانە كوركەيتۋ شاراسىنا تانىمال اكتەرلەر، انشىلەر، اقىندار مەن سپورتشىلار دا قاتىستى. ولار ءوز ۇلگىلەرىمەن تابيعاتتى ايالاۋ جانە تازالىق ساقتاۋ جولىنداعى ەكولوگيالىق باستامانى قولدادى. قاتىسقاندار قاتارىندا: اكتەرلەر سانجار ءمادي، تاۋەكەل ءمۇسلىم، جان بايجانبايەۆ، ەركەبۇلان دايىروۆ، ەردەن تولەمىسوۆ، ماقسات سابيتوۆ، جاندوس ايباسوۆ، جايداربەك كۇنگوجينوۆ، ۇلان ءنۇسىپالى، باقىت تۇشايەۆ، تيمۋر پيازوۆ، ونداسىن بەسىكباسوۆ؛ انشىلەر باقتيار تايلاقبايەۆ پەن ءىنجۋ انۋاربەك، اقىندار ءمولدىر ايتباي مەن الماس احمەتبەك ۇلى، ارمرەستلينگتەن حالىقارالىق دارەجەدەگى سپورت شەبەرى سپاتاي تەمىر، قازاقستاننىڭ ەڭبەك سىڭىرگەن مادەنيەت قايراتكەرى امانتاي بەرعالي ۇلى جانە باسقالار بار.
تانىمال تەاتر جانە كينو اكتەرى جان بايجانبايەۆ اكسيانىڭ ماڭىزدىلىعى تۋرالى ءوز پىكىرىن ءبىلدىردى:
"تازالىق – اركىمنىڭ وزىنەن باستالادى. قوقىستى كورگەندە ءوزىڭ دە ۇيالىپ، ءبىرتۇرلى بولىپ قالاسىڭ عوي. ءبىراق كەيىنگى كەزدە قالامىز بارعان سايىن تازارىپ كەلە جاتقانىن بايقايمىن. بۇل اكسيانىڭ ماڭىزى وتە زور"، – دەدى جان بايجانبايەۆ.
جەرگىلىكتى تۇرعىندار ۇيىمداستىرۋشىلارعا العىسىن ءبىلدىرىپ، وسىنداي شارالاردىڭ تۇراقتى تۇردە وتكىزىلىپ تۇرۋىنا ءۇمىت ءبىلدىردى.