ينجەنەرلىك جەلىلەردى، جول جانە الەۋمەتتىك ينفراقۇرىلىمدى جانە قوعامدىق كولىكتى دامىتۋ. بۇل ماسەلەلەر الاتاۋ اۋدانىنداعى اكىمدىكتىڭ جۇمىسى ءۇشىن باسىمدىق بولىپ قالا بەرەدى. بۇل تۋرالى قالا اكىمى ەربولات دوسايەۆ حالىقپەن كەزدەسۋدە ايتتى.
اۋدان 75%-عا ورتالىق سۋمەن جابدىقتاۋ جەلىلەرىمەن جانە 67%-عا كارىزبەن قامتاماسىز ەتىلگەن. سۋمەن جابدىقتاۋدى جاقسارتۋ ءۇشىن نە ىستەلىپ جاتىر:
"اقبۇلاق" شاعىناۋدانىندا تامىز ايىندا 29 شاقىرىم جەلى ىسكە قوسىلدى. سونىڭ ناتيجەسىندە 1،5 مىڭ جەكە تۇرعىن ءۇي سۋمەن جانە ورتالىق كارىزبەن جابدىقتالعان.
جەلتوقسان ايىندا "وجەت" ش/ا (83،41 كم)، "سامعاۋ" ش/ا (37،46 كم) جانە "شاپاعات" ش/ا (37 كم) جۇمىستار اياقتالادى. سونىڭ ناتيجەسىندە تاعى 6 مىڭ تۇرعىن ءۇي سۋمەن جانە كارىزبەن قامتاماسىز ەتىلەدى.
"قاراسۋ"، "شاڭىراق-1"، "العاباس"، "ايگەرىم-1،2"، "بورالداي" ش/ا 170 كم ورتالىق جەلىسىنىڭ قۇرىلىسى جالعاسۋدا. بۇلار 13 مىڭنان استام ءۇيدى قامتيدى.
2023 جىلدىڭ ءساۋىر ايىنان باستاپ "تەرەكتى"، "بولاشاق"، "تۇركىستان" جانە "راحات-مادەنيەت" ش/ا 239 شاقىرىم جەلىسىنىڭ قۇرىلىسى باستالادى. بۇل جۇمىس 2024 جىلدىڭ جەلتوقسانىندا اياقتالىپ، 5 مىڭعا جۋىق ءۇي سۋمەن جابدىقتاۋ جانە كارىز جەلىلەرىنە قوسىلادى.