وتكەن جىلى قالادا 12 مىڭنان استام ورىنعا ارنالعان زاماناۋي ۇلگىدەگى 8 مەملەكەتتىك مەكتەپ سالۋ ءۇشىن اۋقىمدى جوباسى باستالدى.
قالا باسشىسى قازىرگى ۋاقىتتا جالپى الماتى مەكتەپتەرىندەگى ورىن تاپشىلىعى 19 600-دان اساتىنىن ايتتى، دەپ حابارلايدى Almaty-akshamy.kz.
«وتكەن جىلى قالادا 12 مىڭنان استام ورىنعا ارنالعان زاماناۋي ۇلگىدەگى 8 مەملەكەتتىك مەكتەپ سالۋ ءۇشىن اۋقىمدى جوبانى باستادىق، ونىڭ ىشىندە 7800 ورىندىق 5 مەكتەپ الاتاۋ اۋدانىندا اشىلاتىن بولادى. الايدا، الدىن الا ەسەپتەۋىمىز بويىنشا، جاڭا 7800 وقۋشى ورنىنىڭ پايدالانۋعا بەرىلگەنىنە قاراماستان، جالپى، قالا، ءار اۋدان بويىنشا ءبىلىم الۋشىلاردىڭ جىل سايىن وسۋىنە بايلانىستى اۋدان مەكتەپتەرىندە 3 مىڭعا جۋىق ورىن تاپشىلىعى ساقتالادى»، - دەدى مەگاپوليس اكىمى.
قۇرىلىستان باسقا، بۇدان ءارى عيماراتتار مەن جەر ۋچاسكەلەرىن جەكە مەنشىك يەلەرىنەن ساتىپ الۋمەن قاتار باسقا دا تەتىكتەر قولدانىلاتىن بولادى. ءقازىر ىقتيمال نۇسقالار قارالىپ جاتىر.