تۇرعىنداردى ورتالىق سۋمەن جابدىقتاۋ جانە كارىز جەلىسىمەن قامتاماسىز ەتۋ اۋدان دامۋىنىڭ ماڭىزدى اسپەكتىسى بولىپ تابىلادى.
بۇل تۋرالى الاتاۋ اۋدانىنىڭ تۇرعىندارىمەن كەزدەسۋدە قالا اكىمى ەربولات دوسايەۆ مالىمدەدى، دەپ حابارلايدى Almaty-akshamy.kz.
بىلتىر "اقبۇلاق"، "شاپاعات"، "سامعاۋ"، "وجەت" شاعىناۋداندارىندا 187 كم ورتالىق سۋمەن جابدىقتاۋ جانە كارىز جەلىسىن جاڭعىرتۋ اياقتالدى.
سونىڭ ناتيجەسىندە الاتاۋ اۋدانىندا ورتالىق سۋمەن قامتۋ 70%-دان 80%-عا، ال كارىز جەلىسىمەن قامتۋ 55%-دان 67%-عا دەيىن ارتادى.
"سامعاۋ" جانە "وجەت" بويىنشا كارىز جەلىسىن تولىق ىسكە قوسۋ ءۇشىن بەس كاناليزاسيالىق سورعى ستانسياسىن سالۋ بيىل جىل سوڭىنا دەيىن اياقتاۋ جوسپارلانعان. بۇل قوسىمشا 7،5 مىڭ جەكە تۇرعىن ءۇيدى ساپالى سۋمەن جانە كارىز جۇيەسىمەن قامتۋعا مۇمكىندىك بەرەدى.
بيىل 170 كم ورتالىق جەلىلەردىڭ قۇرىلىسى جالعاسىپ، "قاراسۋ"، "شاڭىراق-1" شاعىناۋداندارىندا 2023 جىلدىڭ ءىى توقسانىندا اياقتالادى. "العاباس"، "ايگەرىم-1،2"، "بورالداي" شاعىناۋداندارىندا وسى جىلدىڭ جەلتوقسانىندا بىتەدى. بارلىعى 13 مىڭ ءۇي قامتىلادى.