بۇعان قوسا، 5 كاناليزاسيالىق-ناسوس ستانسياسى سالىنادى، - دەپ حابارلايدى almaty-akshamy.kz
الاتاۋ اۋدانىنىڭ اكىمدىگى جاقىن ارادا «تەرەكتى»، «العاباس»، «بولاشاق»، «شاپاعات» شاعىن اۋداندارىندا ۇزىندىعى 150 كم ينجەنەرلىك جەلى جۇرگىزۋگە كىرىسەدى. بۇل تۋرالى الماتى اكىمى ەربولات دوسايەۆ تۇرعىندارمەن كەزدەسۋدە مالىمدەدى.
«مەردىگەرلەر انىقتالدى. جۇمىستىڭ باستالۋى بيىل مامىر ايىنا، اياقتالۋى 2024 جىلدىڭ جەلتوقسانىنا جوسپارلانعان. «راحات-مادەنيەت» شاعىن اۋدانىندا جەلىلەردىڭ قۇرىلىسى 2023 جىلى شىلدەدە باستالىپ، 2024 جىلدىڭ سوڭىنا دەيىن اياقتالادى»، - دەدى قالا باسشىسى.
5 كاناليزاسيالىق-ناسوس ستانسياسى سالىنىپ جاتىر. بۇل «سامعاۋ» جانە «وجەت» شاعىن اۋداندارىندا كاناليزاسيا جەلىلەرىن پايدالانۋعا مۇمكىندىك بەرەدى. جۇمىستى جىل سوڭىندا اياقتاۋ كوزدەلىپ وتىر.