بۇدان بۇرىن ساعات 15: 00-دە الماتى اكىمى ەربولات دوسايەۆتىڭ الاتاۋ اۋدانى تۇرعىندارىمەن كەزدەسۋى وتەتىنىن حابارلاعانبىز.
قالا اكىمىنىڭ ايتۋىنشا، اۋدان ءۇشىن ماڭىزدى ماسەلە – الەۋمەتتىك قولداۋ، دەپ حابارلايدى Almaty-akshamy.kz
قالاداعى اتاۋلى الەۋمەتتىك كومەك الۋشىلاردىڭ ۇشتەن بىرىنەن استامى - الاتاۋ اۋدانىندا تۇراتىن وتباسىلار. وسى جىلدىڭ 1ء-شى توقسانىندا اۋدان بويىنشا 7 639 ادام 232 ملن تەڭگەگە الەۋمەتتىك كومەك الدى.
سونداي-اق، «باقىتتى وتباسى» جانە «الاتاۋ انالارى» قورى ارقىلى بيىل 2 700 ايەلدەر مەن كوپ بالالى انالارعا قولداۋ كورسەتىلەدى.
«شىڭعا ورلەۋ» جوباسى بويىنشا تۇرمىسى تومەن وتباسىلاردىڭ بالالارىنا قوسىمشا تەگىن ءبىلىم بەرۋ ءۇشىن 502 بالا قامتىلادى. بەلسەندى ۇزاق ءومىر ءسۇرۋ ورتالىقتارىندا 3 مىڭ زەينەتكەر بەلسەندى الەۋمەتتىك ومىرگە تارتىلعان.