بۇل تۋرالى ىشكى ىستەر مينيسترلىگى وتكىزگەن ارنايى بريفينگتە ايتىلدى.
كيبەرقىلمىسقا قارسى كۇرەس باسقارماسى ماماندارىنىڭ ايتۋىنشا، مۇنداي ادامدار سىبايلاس رەتىندە قاراستىرىلادى، دەپ حابارلايدى Almaty-akshamy.kz.
سەبەبى ولار بانك كارتاسىن، ابونەنت ءنومىرىن قولدانىسقا بەرۋ ارقىلى الاياقتىق جولمەن تابىلعان اقشانى شىعارۋعا كومەكتەسەدى.
ءتىپتى شوتىنا كەلىپ تۇسكەن قاراجاتتى حالىقارالىق تولەم جۇيەلەرى نەمەسە كريپتوبيرجا ارقىلى شەتەل اسىرۋعا كومەكتەسەتىندەر بار.
«الماتىدا وتكەن جەدەل ءىس- شارا ناتيجەسىندە 2 قىلمىستىق توپ ۇستالدى. ولاردىڭ قۇرامىندا رەسەي، بەلارۋس، قىرعىزستان ازاماتتارى مەن وتانداستارىمىز بار. قازاقستاندىقتار بانك كارتاسىن راسىمدەيتىن ادامداردى تابۋمەن اينالىسقان. وسىنداي الاياقتار باسقا دا ايماقتاردا بار. سوندىقتان ازاماتتاردى كۇماندى ۇسىنىستارعا كەلىسپەۋگە شاقىرامىز. ەل بويىنشا الاياقتارعا كومەكتەسكەندەر ۇستالىپ، تەرگەلىپ جاتىر. ولار زاڭ بويىنشا جازالانادى»، - دەيدى ءىىم كريمينالدىق پوليسيا دەپارتامەنتى كيبەرقىلمىسقا قارسى كۇرەس ورتالىعى باستىعىنىڭ ورىنباسارى رۇستەم دۇيسەتايەۆ.