الاياقتار سۋ تاسقىنىن ءوز پايداسىنا شەشىپ ءجۇر

الاياقتار كوشتەن قالماي، جىلۋ جيناۋعا كوشكەن.

ەل ىشىندەگى دۇربەلەڭ ءساتتى پايدالانعان قۋلار الەۋمەتتىك جەلى ارقىلى تاسقىننان زارداپ شەككەندەرگە كومەكتەسەمىز دەپ اقشا جيناعان. سولتۇستىك قازاقستاندىق پوليسەيلەر مۇنداي ءاربىر ءۇشىنشى حابارلامانىڭ جالعان ەكەنىن انىقتادى، دەپ حابارلايدى Almaty-akshamy.kz 24.kz-كە سىلتەمە جاساپ. 

پەتروپاۆل توڭىرەگىن سۋ باسقاننان كەيىن WhatsApp جەلىسىندە تۇرعىندار چات قۇرعان. وندا تاسقىن بارىسىندا تۋىنداعان ماسەلەلەردى تالقىلاپ، زارداپ شەككەندەرگە كومەك ۇيىمداستىرعان. ءسويتىپ، زارداپ شەككەن ادامداردىڭ بانك كارتالارىنىڭ نومەرى مەن كومەك سۇراعان وتىنىشتەرى قاپتاعان. ءبىراق وسى چاتتارعا مونيتورينگ جۇرگىزگەن ءتارتىپ ساقشىلارى ولاردىڭ ىشىنەن الاياقتاردى انىقتادى.

«ءۇش كۇن ىشىندە 6 ۇلكەن چاتتا 50-گە تارتا جالعان حابارلاندىرۋ انىقتالدى. ولاردىڭ اراسىنداعى كومەك تۋرالى ءار ءۇشىنشى حابارلاندىرۋ جالعان بولىپ شىقتى. حابارلاندىرۋدىڭ بارلىعى جويىلدى. اۆتورلاردىڭ چاتتاعى نومەرلەرى بۇعاتتالدى»، - دەيدى وبلىستىق پوليسيا دەپارتامەنتى باسپا ءسوز قىزمەتىنىڭ اعا ينسپەكتورى نۇربەك باەكين. 

.