شوكولاد ساتقان الاياق سوتتالدى.
استانالىق الاياق دۋباي شوكولادىن ساتامىن دەپ تۇرعىنداردى الداپ، بىرنەشە رەت ولاردىڭ اقشاسىن يەمدەنىپ العان، دەپ حابارلايدى aqshamnews.kz قالانىڭ قىلمىستىق ىستەر جونىندەگى اۋدانارالىق سوتىنا سىلتەمە جاساپ.
استانا قالاسىنىڭ قىلمىستىق ىستەر جونىندەگى اۋدانارالىق سوتى بىرنەشە رەت الاياقتىق ارەكەتتەر جاسادى (قك190-بابى 3-بولىگىنىڭ 4) تارماعى) دەپ ايىپتالعان استانالىققا قاتىستى ءىستى قارادى.
استانالىق الاياق دۋباي شوكولادىن ساتامىن دەپ تۇرعىنداردى الداپ، بىرنەشە رەت ولاردىڭ اقشاسىن يەمدەنىپ العان. جالپى 10 ادامنىڭ 301 020 تەڭگەسىن جىمقىرعان. الاياقتىڭ كىناسى جابىرلەنۋشىلەردىڭ ايعاقتارىمەن، بانكتىك اۋدارىمدارمەن جانە قىلمىستىق ءىس ماتەريالدارىمەن دالەلدەندى.
پروكۋرور 3 جىل 6 اي باس بوستاندىعىن شەكتەۋ تۇرىندە جازا تاعايىنداۋدى سۇرادى. قورعاۋشى تاراپ باس بوستاندىعىنان ايىرۋعا بايلانىستى ەمەس جازا تاعايىنداۋدى سۇرادى.
قىلمىستىق كودەكستىڭ 190-بابى 3-بولىگى 4) تارماعىنىڭ سانكسياسى مۇلكi تاركiلەنىپ، بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان 6 جىلعا دەيiنگi مەرزiمگە ايىرا وتىرىپ نەمەسە ونسىز، 3 جىلدان 7 جىلعا دەيىنگى مەرزiمگە باس بوستاندىعىن شەكتەۋدى نە ايىرۋدى كوزدەيدى. جاساعان ىسىنە وكىنۋ جانە زياندى وتەۋى جاۋاپكەرشىلىك پەن جازانى جەڭىلدەتەتىن ءمان-جايلار دەپ تانىلدى. اۋىرلاتاتىن ءمان-جايلار انىقتالعان جوق.
سوت ۇكىمىمەن استانالىق الاياق قىلمىستىق كودەكستىڭ 190-بابى 3-بولىگىنىڭ 4) تارماعىمەن كىنالى دەپ تانىلىپ، 3 جىلعا باس بوستاندىعىن شەكتەۋگە سوتتالدى.
ۇكىم زاڭدى كۇشىنە ەنگەن جوق.