اقپاراتتى مەملەكەتتىك كىرىستەر مەكەمەلەرىنىڭ رەسمي سايتىنان بىلۋگە بولادى.
الاياقتار مەملەكەتتىك كىرىستەر كوميتەتىنىڭ اتىنان قازاقستاندىقتارعا سالىق پەن ايىپپۇل تولەۋ قاجەتتىگى تۋرالى جالعان حابارلامالار جىبەرىپ جاتىر، دەپ حابارلايدى Almaty-akshamy.kz
مەملەكەتتىك كىرىستەر دەپارتامەنتى ازاماتتاردى مۇنداي حابارلامالارعا جاۋاپ بەرمەۋگە، كۇماندى سىلتەمەلەرگە كىرمەۋگە جانە باسقا ادامداردىڭ ەسەپشوتىنا اقشا اۋدارماۋعا كەڭەس بەرەدى.
سالىققا قاتىستى حابارلامالار سالىق تولەۋشىلەرگە قول قويۋ ارقىلى قولداپ جەتكىزىلەدى نەمەسە سالىق تولەۋشىنىڭ كەڭسەسىنە ەلەكتروندى تۇردە جىبەرىلەدى.
مۇنداي حابارلاندىرۋلاردى ەلەكتروندىق پوشتا نەمەسە مەسسەندجەرلەر ارقىلى جىبەرۋ قاراستىرىلماعان.