2026 جىلعى 22-24 ءساۋىر ارالىعىندا استانا قالاسىندا وڭىرلىك ەكولوگيالىق سامميت 2026 (سامميت) وتەدى، - دەپ حابارلايدى Aqshamnews.kz-كە سىلتەمە جاساپ.
سامميت ورتالىق ازيا ەلدەرىن كليمات پەن ەكولوگيا سالاسىنداعى نەگىزگى ماسەلەلەر بويىنشا كەلىسىلگەن ديالوگ قالىپتاستىرۋ ماقساتىندا بىرىكتىرەدى. ءسامميتتىڭ تاقىرىپتىق باعدارلاماسى كليماتتىق ءوتۋدى قولداۋدى، ەكولوگيالىق جانە تابيعي قاتەرلەرگە بەيىمدەلۋ مەن ەكونوميكالىق تۇراقتىلىقتى، ازىق-تۇلىك قاۋىپسىزدىگى مەن ءوڭىر ەكوجۇيەلەرىن، تابيعي رەسۋرستاردى ورنىقتى باسقارۋدى، اتموسفەرالىق اۋانىڭ لاستانۋىنا قارسى كۇرەستى جانە قالدىقتاردى باسقارۋدى، ادىلەتتى ءارى ينكليۋزيۆتى وڭىرلىك ءوتۋدى، ەكولوگيالىق ماقساتتارعا قول جەتكىزۋ تەتىكتەرىن، سونداي-اق ورنىقتى بولاشاق ءۇشىن ەكولوگيالىق جانە سيفرلىق قۇزىرەتتەردى قامتيدى.
ءىس-شاراعا ءوڭىر ەلدەرىنىڭ مەملەكەتتىك ورگاندارىنىڭ وكىلدەرى، حالىقارالىق ۇيىمدار، دامۋ ينستيتۋتتارى، عىلىمي قاۋىمداستىق، بيزنەس جانە ازاماتتىق قوعام وكىلدەرى قاتىسادى. شامامەن 1500 دەلەگاتتىڭ قاتىسۋى كۇتىلۋدە.
سامميت اياسىندا ورنىقتى دامۋ سالاسىنداعى پراكتيكالىق تەحنولوگيالىق جانە ينۆەستيسيالىق شەشىمدەردى كورسەتۋگە باعىتتالعان «RES 2026 EXPO» حالىقارالىق ەكولوگيالىق جانە جاسىل تەحنولوگيالار كورمەسىن وتكىزۋ كوزدەلگەن.
وڭىرلىك ەكولوگيالىق سامميت 2026 بويىنشا بايلانىس دەرەكتەرى: E-mail: office@caclimate.fund
«RES 2026 EXPO» حالىقارالىق كورمەسىنە قاتىسۋ ماسەلەلەرى بويىنشا بايلانىس دەرەكتەرى: E-mail: partnership@res2026expo.kz