«Black Biotechnology» ءجشس-نىڭ «AL KARAL» برەندىمەن شىعارىلاتىن ورگانيكالىق جەم قوسپالارى مەن تىڭايتقىشتاردى وندىرەتىن وتاندىق ءوندىرۋشى لاتىن امەريكاسى ەلدەرىنە ەكسپورتتاۋدى جوسپارلاپ وتىر.
كومپانيا وكىلدەرىنىڭ ارگەنتيناعا ساپارى بارىسىندا وسىنداي كەلىسىمگە قول جەتكىزىلدى، دەپ حابارلايدى aqshamnews.kz اۋىل شارۋاشىلىعى مينيسترلىگىنە سىلتەمە جاساپ.
«AL KARAL» برەندىنىڭ نەگىزىن قالاۋشى اسەم كەنجەبەك جەرگىلىكتى كاسىپكەرلەرمەن، ارگەنتينانىڭ اۋىل شارۋاشىلىعى مينيسترلىگىنىڭ وكىلدەرىمەن، مەملەكەتتىك ورگاندارمەن ءبىرقاتار كەزدەسۋلەر وتكىزىپ، گۋمين زاتتارى نەگىزىندە جاسالعان يننوۆاسيالىق ونىمدەرىن تانىستىردى.
«ءبىز ونىمدەرىمىزدى جاقىن شەت ەلدەرگە ەكسپورتتاپ كەلەمىز. ەندى لاتىن امەريكاسىنداعى اۋىل شارۋاشىلىعىنىڭ ساپاسىن ارتتىرۋعا جانە قازاقستاننىڭ ورگانيكالىق ءوندىرىس سالاسىنداعى حالىقارالىق بايلانىستارىن نىعايتۋعا كومەكتەسەتىن شىعار دەپ ۇمىتتەنەمىز»، - دەدى اسەم كەنجەبەك.
كومپانيا جوسپارىنا سايكەس، كەلەسى جىلدىڭ باسىندا جاڭا زاۋىت سالىنىپ، ءوندىرىس پەن ءونىمنىڭ حالىقارالىق سەرتيفيكاسياسى اياقتالعاننان كەيىن ارگەنتينا مەن برازيلياعا ەكسپورت باستالادى.
ەسكە سالا كەتەيىك، 2023 جىلى «Black Biotechnology» ج ش س «جاسىل» ESG وبليگاسيالارىن شىعارعان العاشقى شوب كومپانيالارىنىڭ ءبىرى بولدى. 2023 جىلدىڭ قاراشا ايىندا 2 ميلليارد تەڭگەگە بەرىلگەن وبليگاسيالاردىڭ كۋپوندىق سىياقىسى «دامۋ» قورىمەن سۋبسيديالاندى، ال 75% كەپىلدىگى الماتى اكك-سى بەردى. تابىلعان ينۆەستيسيالارعا الماتىنىڭ يندۋستريالىق ايماعىندا زاۋىت سالىنىپ جاتىر، ونى جىلدىڭ قاراشا ايىندا اياقتاۋ جوسپارلانۋدا.