الماتىنىڭ مەدەۋ اۋدانىندا جىلۋ جەلىلەرىن جوندەۋ ءۇشىن ءال-فارابي داڭعىلىنىڭ ءبىر بولىگىندە كولىك قوزعالىسى ءىشىنارا شەكتەلەدى، دەپ حابارلايدى aqshamnews.kz.
6 تامىز ساعات 08:00-دەن 7 تامىز ساعات 21:00-گە دەيىن مەدەۋ اۋدانى ءال-فارابي داڭعىلىنىڭ مەڭدىقۇلوۆ كوشەسىنەن دوستىق داڭعىلىنا دەيىنگى بولىگىندە جىلۋ جەلىلەرىن جوندەۋ ءۇشىن كولىك قوزعالىسى شىعىس باعىتتا ءىشىنارا شەكتەلەدى.
كولىك قوزعالىسى باتىس باعىتتا اشىق بولادى.
ۋاقىتشا شەكتەۋلەر اتالعان كوشە بولىگىنىڭ كولىك جۇرەتىن جول بولىگىنىڭ استىنان وتەتىن جىلۋ قۇبىرىن الداعى جىلىتۋ ماۋسىمىنا دايىندىق جۇمىستارىنىڭ قاۋىپسىزدىگىن قامتاماسىز ەتۋ ءۇشىن ەنگىزىلىپ وتىر.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە ورنالاستىرىلعان.
ۋاقىتشا قولايسىزدىقتارعا تۇسىنىستىكپەن قاراۋلارىڭىزدى سۇرايمىز.
«الماتى جىلۋ جۇيەسى» ج ش س