ءال-فارابي اتىنداعى قازاق ۇلتتىق ۋنيۆەرسيتەتى QS WUR حالىقارالىق رەيتينگىندە كەزەكتى رەت جوعارى ناتيجەگە قول جەتكىزدى.
ءبىر جىلدا ۋنيۆەرسيتەت توپ-200 ىشىندە 25 پوزيسياعا جوعارىلاپ، 175-ورىننان 150-ورىنعا كوتەرىلدى، دەپ حابارلايدى Almaty-akshamy.kz قازۇۋ-دىڭ باسپا ءسوز قىزمەتىنە سىلتەمە جاساپ.
الەمنىڭ ۇزدىك ۋنيۆەرسيتەتتەرىمەن ءبىر قاتارعا ورنالاسقان ءال-فارابي اتىنداعى قازۇۋ قازاقستاننىڭ جوعارى وقۋ ورىندارى اراسىندا عانا ەمەس، ورتالىق ازيا مەن تمد ەلدەرىندە ءوزىنىڭ كوشباسشىلىق پوزيسياسىن دالەلدەدى.
قازۇۋ-دىڭ ۇلكەن جەتىستىكتەرگە قول جەتكىزۋى الەمدىك دەڭگەيدەگى زەرتتەۋ ۋنيۆەرسيتەتىنە ترانسفورماسيالانۋ جۇمىستارىنىڭ ناتيجەسى بولىپ تابىلادى.
قازۇۋ-دىڭ جاڭا تابىسى – ىسكەرلىك باسشىلىقتىڭ، وقىتۋشىلار، عالىمدار مەن ءبىلىم الۋشىلاردىڭ قارقىندى جۇمىسىنىڭ جەمىسى.
بۇل ۋنيۆەرسيتەتتىڭ جاھاندىق باسەكەگە قابىلەتتىلىگىنىڭ جانە حالىقارالىق ءبىلىم، عىلىم كەڭىستىگىندەگى تانىمالدىلىعىنىڭ ايقىن كورسەتكىشى.
Quacquarelli Symonds World University Rankings (QS WUR) حالىقارالىق رەيتينگىنىڭ رەسمي ناتيجەلەرى 2022 جىلدىڭ 8 ماۋسىمىندا جاريالاندى.
بۇل رەيتينگكە دۇنيەجۇزىنىڭ 2462 جوعارى وقۋ ورنى قاتىستى، ونىڭ ىشىندە تەك 1422 جوو عانا ءتيىستى دارەجەلەرگە يە بولدى.
QS WUR الەمنىڭ ۇزدىك ۋنيۆەرسيتەتتەرىنىڭ رەيتينگى 2004 جىلدان باستاپ جاريالانىپ كەلەدى.
QS WUR رەيتينگىندە الەمنىڭ ۇزدىك ۋنيۆەرسيتەتتەرىن باعالاۋ التى كريتەريي نەگىزىندە جۇرگىزىلەدى:
اكادەميالىق بەدەل – 40 پايىز؛
جۇمىس بەرۋشىلەر اراسىنداعى بەدەل – 10 پايىز؛
وقىتۋشىلار قۇرامىنىڭ ستۋدەنتتەر سانىنا اراقاتىناسى – 20 پايىز؛
دايەكسوزدەر يندەكسى – 20 پايىز؛
شەتەلدىك وقىتۋشىلاردىڭ ۇلەسى – 5 پايىز؛
شەتەلدىك ستۋدەنتتەردىڭ ۇلەسى – 5 پايىز.