بۇگىن “Alatau-Aqparat” مەدياحولدينگىنىڭ شاڭىراعىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ باسقارما مۇشەسى – الەۋمەتتىك دامۋ جونىندەگى پرورەكتورى باقىتجان وماروۆ قوناقتا بولدى. قۇرمەتتى مەيماندى مەدياحولدينگتىڭ باس ديرەكتورى ەرجان قالىمباي ۇلى جانە ۇجىم مۇشەلەرى قارسى الدى.
باقىتجان وماروۆ ءوز سوزىندە ۋنيۆەرسيتەت رەكتورى جانسەيىت قانسەيىت ۇلى تۇيمەبايەۆتىڭ باستاماسىمەن قازۇۋ-دا اۋقىمدى ىستەر اتقارىلىپ جاتقانىن اتاپ ءوتتى.
“بۇگىندە ۋنيۆەرسيتەت جاساندى ينتەللەكتىنى دامىتۋ، روبوتوتەحنيكا مەن سۋپەركومپيۋتەر ورتالىعىنىڭ جۇمىسىن جەتىلدىرۋ باعىتىندا ناقتى قادامدار جاساپ كەلەدى. قازۇۋ بازاسىنداعى سۋپەركومپيۋتەر — ورتالىق ازياداعى ەڭ قۋاتتى ەسەپتەۋ قۇرىلعىلارىنىڭ ءبىرى، ال جاقىن ۋاقىتتا ۋنيۆەرسيتەت عالىمدارى درون قۇراستىرۋ جوباسىن ىسكە قوسپاق”، - دەدى ول.
كەزدەسۋ بارىسىندا تاراپتار مەديا جانە ءبىلىم سالاسىنداعى ءوزارا بايلانىستاردى نىعايتۋ، جاڭا جوبالاردى جۇزەگە اسىرۋ جانە جاس مامانداردى دايارلاۋ باعىتىنداعى سەرىكتەستىكتى تالقىلادى. اسىرەسە، قازۇۋ ستۋدەنتتەرىنىڭ تاجىريبەدەن ءوتۋ مۇمكىندىگىن كەڭەيتۋ، وڭىرلىك مەديا كەڭىستىكتە وزدەرىن كاسىبي تۇرعىدان شىڭداۋ ماسەلەلەرىنە ەرەكشە نازار اۋدارىلدى.
ءوز كەزەگىندە مەدياحولدينگ باسشىسى ەرجان قالىمباي ۇلى جوعارى وقۋ ورىندارىمەن تىعىز بايلانىس ورناتۋدىڭ ماڭىزدىلىعىنا توقتالدى. ونىڭ ايتۋىنشا، “Alatau-Aqparat” رەداكسيالارى جاس جۋرناليستەرگە كاسىبي ورتادا تاجىريبە جيناقتاپ، زاماناۋي مەديا ۇردىستەرمەن تانىسۋعا مۇمكىندىك بەرۋگە دايىن.
بۇرىننان بار مەموراندۋم اياسىندا مەدياحولدينگ جۇمىس بەرۋشى رەتىندە جىل سايىن قازۇۋ ستۋدەنتتەرىن جۇمىسقا قابىلداپ كەلەدى.
كەزدەسۋ بارىسىندا باقىتجان وماروۆ جاڭادان اشىلعان تەلەستۋديانىڭ جۇمىسىمەن جانە تالاي جىلدىق تاريحى بار مەدياحولدينگتىڭ مۋزەي-كابينەتىمەن تانىستى.
كەزدەسۋ سوڭىندا تاراپتار ءوزارا ىنتىماقتاستىق تۋرالى كەلىسىمگە كەلىپ، الداعى ۋاقىتتا بىرلەسكەن جوبالار، ونىڭ ىشىندە، “ۆەچەرنيي الماتى” گازەتىنىڭ 90 جىلدىعى اياسىندا بىرلەسكەن جوبالار مەن ءىس-شارالار ۇيىمداستىرۋعا ۋاعدالاستى.