اكتەر ەركەبۇلان توقتار الماتىداعى سايلاۋ ۋچاسكەسىندە داۋىس بەرىپ قانا قويماي، وزىنە لايىقتى جار ىزدەدى، دەپ حابارلايدى اlmaty-akshamy.kz.
الماتىنىڭ №502 سايلاۋ ۋچاسكەسىندە داۋىس بەرگەن تانىمال اكتەر ەركەبۇلان توقتار الەۋمەتتىك جەلىسىندە سايلاۋعا بارا جاتقان جولىنان بەينەجازبا جاريالاپ، وندا وزىنە جۇپ ىزدەيتىنىن ايتتى.
«ءقازىر سايلاۋ ۋچاسكەسىنە بارىپ، قىز جولىقتىرىپ قالسام. تاڭەرتەڭ تۇرىپ سايلاۋعا قاتىساتىن، بولاشاعىن ويلايتىن، كىتاپحانادا كىتاپ وقىپ وتىراتىن، تاڭەرتەڭ بارىپ جاتتىعۋ جاساپ كەلەتىن قىزدار بولاتىن سەكىلدى»، – دەدى ول.
سونداي-اق، داۋىس بەرگەن سوڭ، اكتەر سايلاۋدىڭ كوڭىلدى ءوتىپ جاتقانىن حابارلادى.
«بۇرىن ۇمىتكەرلەر از ەدى، بىر-ەكەۋ عانا، ءقازىر بۇرىنعىعا قاراعاندا كانديداتتاردىڭ سانى كوپ. ءبارى كۇشتى، كوڭىلدى ءوتتى»، – دەدى ەركەبۇلان ءوز ينستاپاراقشاسىندا.