جىل باسىنان بەرى قازاقستاندا كوروناۆيرۋس ينفەكسياسىن جۇقتىرۋ 20 ەسەگە دەيىن كوبەيگەن. ستاتيستيكالىق دەرەكتەر بويىنشا، كۇنىنە شامامەن 700-گە جۋىق ادام اۋرۋحاناعا جاتقىزىلادى. تاۋلىگىنە اۋرۋحاناعا 483-كە جۋىق پاسيەنت تۇسسە ولاردىڭ 252 ادام ەمدەلىپ شىعادى.
الماتى قالاسىنىڭ ءماسليحات دەپۋتاتى شۋحراد شاردينوۆتىڭ ايتۋىنشا، بۇگىندە انىقتالىپ وتىرعان «دەلتا» شتاممى جاعدايدى قيىنداتىپ وتىر. سەبەبى ونىڭ سالدارىنان ەمدەلۋگە مۇقتاج ناۋقاستار سانى تۇراقتى تۇردە تىركەلىپ جاتىر. قازىرگى تاڭدا امسك ءموبيلدى بريگادالارى مەن تەلەمەديسينا ورتالىعىنىڭ باقىلاۋىندا 13 127 پاسيەنت بار، ولاردىڭ 12 564ء-ى اۋرۋدىڭ جەڭىل جانە ورتاشا بەلگىلەرى بار سيمپتومدى ناۋقاستار بولسا، 563-ىندە اۋرۋ بەلگىلەرى بايقالمايدى.
ونىمەن قوسا، جەدەل جاردەم قىزمەتىنىڭ جۇمىسىنا دا سۇرانىس ارتا ءتۇستى. تەك الماتىنىڭ وزىندە ورتاشا ەسەپپەن ءبىر ساعاتتا Covid-19 جۇقتىرعان 30-عا جۋىق ادام ستاسيونارلارعا جاتقىزىلعان، ال اۋرۋ ورشىگەن كەزدەردە 130 جۇقتىرۋشىعا دەيىن، جۇمىس جۇگى ارتقان كەزدە مينۋتىنا ءقاۋىپتى ۆيرۋستى جۇقتىرعان ەكى ادامنان مەديسينا قىزمەتكەرلەرىنىڭ كومەگىنە مۇقتاج بولعان.
«قازىرگى ۋاقىتتا اۋرۋحانالارداعى توسەك-ورىننىڭ 70%-دان استامى ناۋقاستارعا تولى. ەگەر جۇقتىرۋ قارقىنى باسەڭدەمەسە، توسەك-ورىن قورىنىڭ كۇشى جەتپەۋى دە مۇمكىن. سول كەزدە ءبىز سىزدەرمەن دەنساۋلىق ساقتاۋ جۇيەسىنىڭ كۇيرەۋىنە جانە ناۋقاستاردىڭ ءبارىن اۋرۋحاناعا جاتقىزۋ مۇمكىندىگىنىڭ بولماۋى سالدارىنان ادام ءولىمىنىڭ كوبەيۋى ماسەلەلەرىمەن ۇشىراسۋىمىز مۇمكىن»، - دەيدى اكقز» ج ش س ديرەكتورلار كەڭەسىنىڭ ءتوراعاسى.
«اكقز» ج ش س قىزمەتكەرلەرى ەلىمىزدە العاشقىلاردىڭ ءبىرى بولىپ ۆاكسيناسيا الۋدى قولعا الدى. بۇگىنگى تاڭدا كاسىپورىن قىزمەتكەرلەرىنىڭ 88،5%-دان استامى ەكپە سالدىرعان. شۋحراد شاردينوۆتىڭ ايتۋىنشا، ۆاكسينا الۋشى قىزمەتكەرلەر سانى كۇن ساناپ كوبەيۋدە.
«قۇرمەتتى قالا تۇرعىندارى، قازاقستاندىقتار، مەن بارىڭىزدەن الدىن الۋ جانە ساقتىق شارالارىن ۇستانىپ، ۆاكسيناسيانىڭ بارلىق كەزەڭدەرىنەن وتۋگە، وزدەرىڭىز بەن جاقىندارىڭىزدىڭ، تۋعان-تۋىستارىڭىزدىڭ ومىرلەرىنە ءقاۋىپ توندىرمەۋلەرىڭىزدى سۇرايمىن. بارىڭىزگە دەنساۋلىق پەن اماندىق-ساۋلىق تىلەيمىن»، - دەدى شۋحراد شاردينوۆ.