اقمولا وبلىسىنىڭ سوتى اۋدان اكىمدىگىنىڭ اپپاراتىنىڭ قىزمەتكەرىنە قىزمەتتىك جاعدايىن پايدالانىپ، الاياقتىق جاساعانى ءۇشىن ۇكىم شىعاردى، دەپ حابارلايدى aqshamnews.kz.
قۇقىق قورعاۋ ورگاندارىنىڭ مالىمەتىنە سايكەس، مەملەكەتتىك قىزمەتكەر اۋىلشارۋاشىلىق كاسىپورنىنىڭ باسشىسىنان سوتقا ارىز تۇسىرمەۋ ءۇشىن ەكى ميلليون تەڭگە تالاپ ەتكەن. بۇعان دەيىن سوت سول ارىزدى قابىلداۋدان باس تارتقان بولاتىن. وسىلايشا، اكىمدىك قىزمەتكەرى زارداپ شەككەن ادامدى الداپ، ونى اقشا بەرۋگە ماجبۇرلەگەن. ءبىر ميلليون تەڭگە العان كەزدە مەملەكەتتىك قىزمەتكەر قولعا ءتۇستى.
سوت ۇكىمىندە جەڭىلدەتەتىن جاعدايلار ەسكەرىلگەن: سوتتالۋشىنىڭ تازا كوڭىلمەن وكىنۋى جانە ءۇش كامەلەتكە تولماعان بالاسى بولۋى. سول سەبەپتى سوت قىزمەتكەرگە 7،5 ەسەلەنگەن ۇرلانعان مۇلىك كولەمىندە ايىپپۇل (15 ميلليون تەڭگە) سالۋ جانە مەملەكەتتىك قىزمەتتە جۇمىس ىستەۋ قۇقىعىنان ءومىر بويىنا ايىرۋ تۋرالى ۇكىم شىعاردى.
سوت وتىرىسى كورنەكتى ءوتتى، ۇكىم وقىلۋ كەزىندە اۋداننىڭ بىرنەشە اۋىلدىق وكرۋگىنىڭ اكىمدەرى مەن اۋدان اكىمدىگى اپپاراتىنىڭ ءبولىم باسشىلارى قاتىستى.