ق ر دەنساۋلىق ساقتاۋ ءمينيسترى اجار عينيات ۇكىمەت وتىرىسىنان كەيىن جۋرناليستەرگە بەرگەن سۇحباتىندا شەتەلدەن كەلەتىن ازاماتتاردان پتر تەست تالاپ ەتۋ قاراستىرىلىپ وتىرماعانىن ايتتى، دەپ حابارلايدى اlmaty-akshamy.kz.
«الماتى، نۇر-سۇلتان قالاسىنداعى ۆيرۋس جۇقتىرعان ادامداردىڭ ەپيدەميولوگيالىق انامنەزىن قاراعاندا، 5 پايىزى عانا شەتەلدەن كەلگەن نەمەسە شەتەلدەگى ادامدارمەن قارىم-قاتىناستا بولعانى ايقىندالدى. سوندىقتان بۇگىنگى تاڭدا بۇل اۋرۋ ەل ىشىندە تارالىپ وتىرعانى بەلگىلى بولدى. سول سەبەپتى ازىرگە شەتەلدەن پتر تەستپەن كىرگىزۋ تالابىن قاراستىرىپ جاتقان جوقپىز»، - دەدى اجار عينيات.
سونداي-اق، ول ەلدەگى بۇكىل دەنساۋلىق ساقتاۋ ۇيىمدارى كوروناۆيرۋسپەن كۇرەسۋگە دايىن ەكەنىن جەتكىزدى.
«مامانداردىڭ بولجامىنشا، وسى ايدىڭ ىشىندە اۋرۋدىڭ ءوسىمى بايقالادى. ساراپتاما جۇرگىزىپ قاراساق، كوروناۆيرۋس بىلتىر دا، ونىڭ الدىڭعى جىلدارى دا ءدال وسى ايلاردا وسكەن. ياعني، ينفەكسيالىق اۋرۋلاردىڭ ماۋسىمدىق ءوسىمى بولعان. ءبىز بارلىق سەنارييگە دايىنبىز. بۇعان دەيىن تاۋلىگىنە 16 مىڭنان استام اۋرۋ تىركەلگەن كەزدەر بولعان، ءبىز ونى دا ەڭسەردىك. قازىرگى كەزدە تاۋلىگىنە 187 جاعداي تىركەلىپ وتىر»، - دەدى مينيستر.