ايۋساي شاتقالىندا سارقىرامالارعا اپاراتىن جولدى تاستار باسىپ قالدى.
جولعا قاراي قۇلاعان تاستار توسقاۋىل تورى مەن ەسكەرتۋ تاقتالارىن بۇزىپ كەتكەن، دەپ حابارلايدى Almaty-akshamy.kz
«وسىعان بايلانىستى الماتى قالاسىنىڭ توتەنشە جاعدايلار دەپارتامەنتى ءبىرىنشى، ەكىنشى جانە ءۇشىنشى سارقىرامالارعا بارۋعا تىيىم سالدى. سوندىقتان ايۋساي سارقىرامالارىنا ەكسكۋرسيالاردى توقتاتۋعا ءماجبۇرمىز. ايۋساي شاتقالىنا كەلەتىن قوناقتاردى تاۋەكەلگە بارماۋعا جانە سەرۋەندەۋ ءۇشىن ءقاۋىپسىز مارشرۋتتاردى، مىسالى، مىڭكوز جولىن تاڭداۋعا شاقىرامىز»، - دەپ جازىلعان ايۋساي ۆيزيت ورتالىعىنىڭ الەۋمەتتىك جەلىدەگى پاراقشاسىندا.
سونداي-اق، ۆيزيت ورتالىعى شاتقالعا بارۋ جولدارى ابدەن ءقاۋىپسىز بولعان كەزدە، ول تۋرالى مىندەتتى تۇردە حابارلاناتىنىن مالىمدەدى.