قازاقستان مۇسىلماندارى ءدىني باسقارماسىنىڭ قوعام الدىنداعى نەگىزگى قىزمەتىنىڭ ءبىرى – قايىرىمدىلىق شارالارىن ۇيىمداستىرۋ. قمدب كومەككە مۇقتاج جانداردى قولداۋ ماقساتىندا بيىل دا قۇربان شالۋدى وفلاين جانە WWW.QURBAN2024.KZ سايتى ارقىلى ونلاين جۇزەگە اسىردى.
قۇربان ايتتىڭ ءۇشىنشى كۇنى، ياعني، 18 ماۋسىمداعى مالىمەت بويىنشا رەسپۋبليكا كولەمىندە جالپى سانى 6 274 مال شالىندى. تارقاتىپ ايتساق، قوي – 5 714، ەشكى – 216، ءىرى قارا – 340، تۇيە – 4. بارلىق مالىمەتتى جيناقتاپ ايتقاندا، ەلىمىز بويىنشا 23 234 وتباسىعا، 83 مەكەمەگە قۇرباندىق ەتى تاراتىلدى، دەپ حابارلايدى Almaty-akshamy.kz Muftyat.kz-كە سىلتەمە جاساپ.
ەسكە سالا كەتەيىك، ونلاين فورماتتا قۇربان شالۋعا qurban2024.kz سايتى ارقىلى تاپسىرىس بەرۋ وسىمەن توقتاتىلدى.
حالقىمىزدا «قايىرىمدىلىق جاساساڭ، قايىرىن ءوزىڭ كورەسىڭ» دەگەن ناقىل ءسوز بار. اللا تاعالا شىنايى نيەتپەن قۇربان شالىپ، مۇقتاج وتباسىلارعا مەرەكەلىك قۋانىش سىيلاپ، ساۋاپتى ىسكە ورتاقتاسقانى ءۇشىن بارلىق ازاماتقا رازى بولعاي!